POP 5

Lajmet më të lexuara të 5 minutave të fundit

Kronikë

Përrenjas/ Trafikonte armë nga Maqedonia e Veriut në Shqipëri, i fshihte në thasë! Arrestohet 33-vjeçari (EMRI + VIDEO)

Një rast i trafikimit të armëve nga Maqedonia e Veriut drejt Shqipërisë është goditur nga policia. Vihet në pranga një 33-vjeçar që dyshohet se ka trafikuar armët me qëllim shitjen si dhe janë sekuestruar 1 kallashnikov dhe një armë gjahu.

Një rast i trafikimit të armëve nga Maqedonia e Veriut drejt Shqipërisë është goditur nga policia e Elbasanit. 33-vjeçari Shaqir Çela u arrestua pasi dyshohet se se ai i kishte futur në territorin tonë nga Maqedonia e Veriut, nëpërmjet kufirit të gjelbër.

Policia publikoi videon e momentit të arrestimit në flagrancë të 33-vjeçarit nga Prrenjasi, teksa kishte me vete një armë gjahu dhe një armë zjarri kallashnikov, të fshehura në thasë. 

Çela u lokalizua nga specialistët për hetimin e trafiqeve në DVP Elbasan.

'Gjatë operacionit, në fshatin Skroskë, u lokalizua shtetasi Shaqir Çela, i cili kishte me vete, 1 armë zjarri kallashnikov dhe 1 armë gjahu. Nga hetimet e deritanishme dyshohet se ai i kishte trafikuar armët, nga RMV-ja në vendin tonë, nëpërmjet kufirit të gjelbër, me qëllim shitjen në Shqipëri.', thuhet në njoftimin e sotëm të policisë së Elbasanit. 

Ndaj  Shaqir Çelës u ngrit akuza "Trafikimi i armëve dhe i municionit" dhe "Mbajtja pa leje dhe prodhimi i armëve, armëve shpërthyese dhe i municionit" dhe dosja i kaloi prokurorisë së Elbasanit. 

Operacioni u kodua ‘Border Crossing’.

Sakaq, po vijon puna për dokumentimin e plotë të rastit me qëllim nxjerrjen përpara përgjegjësisë ligjore të personave të tjerë që mund të jenë të përfshirë në trafikun e armëve.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa