POP 5

Lajmet më të lexuara të 5 minutave të fundit

Politikë

PS, Auron Tare: Berisha do
vota me kokën e Ali Pashës

Ideja e kryeministrit Sali Berisha për të sjellë kokën e Ali Pashës nga Turqia në Shqipëri ka ngjallur menjëherë debate dhe reagime. Deputeti i PS, Auron Tare e konsideron këtë ide një përpjekje për të larguar vëmendjen nga problemet e shumta që ka vendi.
TIRANE- Ideja e kryeministrit Sali Berisha për të sjellë kokën e Ali Pashës nga Turqia në Shqipëri ka ngjallur menjëherë debate dhe reagime. Deputeti i PS, Auron Tare e konsideron këtë ide një përpjekje për të larguar vëmendjen nga problemet e shumta që ka vendi.

“Si zakonisht kur Qeveria ndodhet përpara problemeve të shumta Berisha hedh gurin e rradhës në Lumin e Politikës.”-shkruan në profilin e tij në Facebook deputeti socialist.

Sipas Tares kjo bëhet për të larguar vëmendjen nga cmimet e larta, nga kriza ekonomike, nga mos marrja e statusit etj. 

Auron Tare i kujton Kryeministrit se do të ishte më e lehtë të merret ndonjë vendim për restaurimin e kalasë së Tepelenës, sesa të ndërmarrë një nismë të tillë.

“Berisha i është futur lëmit të historisë. Pasi i ndriti cështjet e pavarësisë tani papritmas po merret edhe me Aliun e Janinës. Do ti kthejë koken nga Stambolli deklaroi në mbledhje të Qeverise. Mirë, po doktori pse mundohet deri në Stamboll? Nëse do me të vërtetë të bëjë dicka për Aliun e Janinës të vërë dorë në Kalanë e Tepelenës, e cila po rrënohet dita-ditës nga indiferenca e Qeverisë. Të heqë plehrat, të rregullojë muret se edhe pak dhe Kalaja e Aliut do na lërë shëndenë. “-shkruan Tare.


Më tej ai thekson se kujtimin e Ali Pashës e ruajnë dhe e respektojnë më shumë turqit dhe grekët se sa institucionet tona të kulturës. Deputeti socialist kërkon që të vihet dorë në trashëgiminë kulturore dhe arkitekturore e cila po rrënohet çdo ditë. Deputeti socialist e mbyll komentin e tij duke theksuar se Berisha po kërkon rë përfitojë vota me “Kokën e Ali Pashës”

Gjatë mbledhjes së Komitetit ndërshtetëror për 100-vjetorin e Pavarësisë, kryeministri Berisha deklaroi se historia duhet të vendoset në vend, prandaj propozoi që në Atdhe të kthehet koka e Ali Pashë Tepelenës një ndër personalitetet më të rëndësishme të historisë siç tha ai. Kthimi në Atdhe i eshtrave të njeriut të letrave, Mit'hat Frashërit, ishte gjithashtu një propozim i bërë gjatë kësaj mbledhjeje.
auron tare
(sg/shqiptarja.com)

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze