POP 5

Lajmet më të lexuara të 5 minutave të fundit

Politikë

PS: Berisha gënjeshtar, korrupsioni
i tij po mban peng Shqipërinë

“Gënjeshtar dhe i papërgjegjshëm”. Me këto fjalë e ka nisur reagimin e tij deputeti socialist Taulant Balla, në përgjigje të konferencës për shtyp që Kryeministri Berisha zhvilloi sot. Sipas tij shefi i qeverisë gënjen për ekonominë, për çështjen e imunitetit dhe hetimin parlamentar të kërkuar nga opozita. “Korrupsioni i tij po mban peng Shqipërinë”, tha Balla.
TIRANE - “Gënjeshtar dhe i papërgjegjshëm”. Me këto fjalë e ka nisur reagimin e tij deputeti socialist Taulant Balla, në përgjigje të konferencës për shtyp që Kryeministri Berisha zhvilloi sot. Sipas tij shefi i qeverisë gënjen për ekonominë, për çështjen e imunitetit dhe hetimin parlamentar të kërkuar nga opozita. “Korrupsioni i tij po mban peng Shqipërinë”, tha Balla.

Deputeti socialist tha se Kryeministri “është vetë tërësisht i implikuar në skandale që i rrezikojnë karrigen”, dhe përmendi këtu blerjen e disa aparaturave të shtrenjta, që sipas tij përdoren për të përgjuar opozitën dhe diplomatët e huaj, si dhe trafikun e armëve nga i cili “ai dhe i biri nuk ka hequr dorë edhe pasi vranë 26 persona në Gërdec”.

Gjatë konferencës së sotme për shtyp, Kryeministri Berisha theksoi se asnjë fishek nuk është trafikuar nga Shqipëria dhe opozita nuk ka kërkuar krijimin e asnjë komisioni hetimor parlamentar në lidhje me këtë çështje.

Por sipas Ballës PS ka nisur “procedurat për transparancë që në shkurt, me depozitimin e kërkesës në Komisionin e Sigurisë”. Pas rreshtoi të gjitha hapat e ndjekura që atëherë, Balla shpjegoi se vetëm “3 ditë më parë Leonard Demi ka dërguar edhe një shkresë tjetër” për të kryer kontrolle në Ministrinë e Mbrojtjes, ndaj së cilës - përsëriti Balla - “rëndojnë dyshime të forta për trafik armësh dhe përgjime të paligjshme”.

P/LIGJI I MBAJTUR PENG
Deputeti socialist më pas denoncoi edhe “keqpërdorimin e Kuvendit nga Sali Berisha”. “Ka më shumë se një vit që në zyrtaret e Jozefinës mbahet peng një p/ligj i hartuar nga ekspertë të huaj mbi mbikëqyrjen parlamentare të institucioneve”, tha Balla.
Ai deklaroi se hartimi i këtij p/ligji është financuar nga OSBE dhe i kërkoi prezencës në Tiranë të këtij organizmi ndërkombëtar që “t’i kërkojë qeverisë miratimin” e tij.

“Sali Berishën e tradhtoi fytyra e tij sot kur tentoi të mohojë trafiqet”, deklaroi Balla ndërsa pyeti shefin e ekzekutivit përse shefi i SHIU-t, Ylli Zyla dha dorëheqjen, ndërkohë që “është një nga të paktët njerëz që hyn pothuajse çdo ditë në Kryeministri”?

RAMA: BERISHA ESHTE E SHKUARA
Pak minuta pasi deputeti Balla përfundoi reagimin e tij në selinë e PS, kryesocialisti Edi Rama shkruajti në Tëitter: “Kryeministri është e shkuara, flet në emër të së shkuarës. Me gjuhën e të shkuarës. Për t’i mbajtur shqiptarët peng të dasive e mendësive të shkuara”.

Rama shtoi se “sfida jonë është e ardhmja që duam të ndërtojmë” dhe se ajo është “pa dasi e sherre dhe me një gjuhë e mendësi të re, duke thënë ç’do bëjmë e bërë ç’do themi”.

(im/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Shkodër/ Rama viziton Poliklinikën e Specialiteteve, do ofrojë 22 shërbime! Risi në specialitete si kirurgjia, ortopedia apo infektivi

Shkodër/ Rama viziton Poliklinikën e Specialiteteve, do ofrojë 22 shërbime! Risi në specialitete si kirurgjia, ortopedia apo infektivi

10 Janar, 13:44