"Nga ana jonë është konstatuar se në shkollën “Xhelal Berberi” në Lagjen Papuci, nga përfaqësues të subjektit politik LSI po shpërndahen para tek votuesit. Paratë shpërndahen me qëllim blerjen e votës dhe ky proces bëhet duke kaluar të gjithë zgjedhësit nga një ambient privat që shërben si lokal dhe banesë, i vendosur në të djathtë të hyrjes së shkollës “Xhelal Berberi”.
Votuesit përpara se të futen në qendrën e votimit kalojnë në lokalin që përmendëm më sipër ku I bëhet dhe pagesa e shumave të parave që vraiojnë nga 50 euro", citohet ne letren e dreguar ne Policine e Delvines.
Në denoncim është përshkruar edhe skema se si po veprohet për blerjen e votave për 50 euro. Sipas PS-se se Delvines, shtetasi i dyshuar që po ble votat është Bako Balili. Shqiptarja.com mëson se Bako Balili është vëllai i Klement Balilit, ky i fundit i shpallur në kërkim për trafik ndërkombëtar droge.
“Në hyrje të lokalit votuesit priten nga persona që i ftojnë brenda për të pirë një kafe. Më pas ata ulen në një tavolinë brenda lokalit, në katin e parë dhe aty i bëhet pagesa nga shtetasi i dyshuar si Bako Balili. Pas kësaj votuesit dalin nga dera tjetër e lokalit dhe shkojnë për të votuar. Në kthim votuesit kthehen përsëri në lokalin ku kanë marrë pagesën për të treguar se ata kanë votuar”, thuhet në denoncimin e PS-së duke i kerkuar te marrin masat per ndalimin e ketyre veprimeve.
![ps e delvines leter](http://www.shqiptarja.com/foto/291836.jpg)
(d.b/Shqiptarja.com)
![](https://www.shqiptarja.com/template/img/sh_logo1.png)