POP 5

Lajmet më të lexuara të 5 minutave të fundit

Politikë

PS ka paralajmëruar se nuk do ta marrë parasysh, opozita dorëzon zyrtarisht kërkesën për shkarkimin e Nikollës

Grupi Parlamentar i Partisë Demokratike ka dorëzuar zyrtarisht ne Kuvend shkresën të shoqëruar me 28 firma për nisjen e procedurës së shkarkimit të Lindita Nikollës. Sipas ligji shkresa i drejtohet Këshillit të Legjislacionit në Kuvend.

PS ka paralajmëruar se nuk do ta marrë parasysh, opozita dorëzon zyrtarisht kërkesën për shkarkimin e Nikollës

Situata e krijuar seancën e kaluar në Kuvend

Grupi Parlamentar i Partisë Demokratike ka dorëzuar zyrtarisht ne Kuvend shkresën të shoqëruar me 28 firma për nisjen e procedurës së shkarkimit të Lindita Nikollës. Sipas ligji shkresa i drejtohet Këshillit të Legjislacionit në Kuvend. Megjithatë PD nuk i ka bërë me dije zyrtarisht emrat e 28 deputetëve që kanë firmosur kërkesën.

Pas kaosit të krijuar në Kuvend ditën e enjte, kryetarja e Kuvendit Lindita Nikolla e mbylli seancën pa diskutime, vetëm kaloi në votim projektligjet, të cilat u miratuan vetëm me votat e maxhorancës. Nikolla përjashtoi Sali Berishën, por ky i fundit nuk e liroi foltoren dhe për këtë arsye mori edhe vendimin për të mbyllur seancën. Menjëherë disa deputetë të PD deklaruan se do të kërkojnë nisjen e procedurave për shkarkimin e Lindita Nikollës, me argumentin se kjo e fundit i mohoi opozitës që të diskutojnë për çështjet e rendit të ditës.

Grupi parlamentar i PD e ka konsideruar veprimin e Kryetares së Kuvendit në seancën e 26 janari si një akt të paprecedent në 32 vjet demokraci, pasi sipas opozitarëve ajo “në shkelje flagrante të Rregullores i mohoi të drejtën deputetëve të Kuvendit që të diskutojnë për çështjet e përfshira në Rendin e Ditës, duke përdhosur parlamentarizmin dhe duke minuar funksionimin demokratik të Kuvendit”.

“Për shkak të shkeljes flagrante të Rregullores, minimit të parlamentarizmit dhe funksionimit demokratik të Kuvendit, Grupi Parlamentar i Partisë Demokratike, bazuar në pikën 4, të nenit 114 të Rregullores, ka vendosur të nis procedurën për shkarkimin e Kryetares së Kuvendit znj. Lindita Nikolla”, njoftoi PD.

 

Faqja e parë e kërkesës së deputetëve demokratë

I vetmi reagim nga mazhoranca në lidhje me këtë çështje ka qenë një deklarata e kryetarit të grupit parlamentar socialist Taulant Balla, i cili tha kjo kërkesë nuk meriton të merret në konsideratë.

“Këta mund të kërkojnë shkarkimin e qeverisë, shpërndarjen e parlamentit, por e para është që nuk gjej argument të kërkosh shkarkimin se kryetarja e kuvendit, në kushtet që në të gjithë veprimtarinë e vet edhe në rastin e seancës së fundit ka zbatuar rregulloren e Kuvendit. Rregullorja e Kuvend përcakton qartë sesi disponon me vendimmarrja e kryetarit i kuvendit në momenti që bllokohet foltorja dhe po ashtu në kushtet që kuvendi e ka të pamundur të përmbyllë atë që është detyrimi i vet themelor, në këtë rast është miratimi i çështjeve që kanë në rendin e ditës. Dua tua bëj të qartë që as një lloj kërkese e kësaj forme nuk miratohet dhe nuk vlen të merret as në konsideratë", tha  Balla.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46