POP 5

Lajmet më të lexuara të 5 minutave të fundit

Kronikë

PS letër Berishës: Heshtja për
vdekjen e minatorëve, kriminale

Grupi Parlamentar i PS-së, i drejtohet Kryeministrit Berisha nëpërmjet një letre, ku e akuzon se po hesht ndaj vdekjes së minatorëve, duke e cilësuar “si heshtje të përmasave kriminale”. Reagimi i PS-së merr shkas nga ngjarja e djeshme, në të cilën humbi jetën një minator.
PS letër Berishës: Heshtja për <br />vdekjen e minatorëve, kriminale
TIRANE - Grupi Parlamentar i Partisë Socialiste i drejtohet Kryeministrit Berisha nëpërmjet një letre ku e akuzon se po hesht ndaj vdekjes së minatorëve, duke e cilësuar “si heshtje të përmasave kriminale”. Reagimi i Partisë Socialiste merr shkas nga ngjarja e djeshme në të cilën humbi jetën një minator në galerinë e minierës në Martanesh.

“Z. Kryeministër, heshtja Juaj ndaj situatës në Bulqizë nuk mund të ketë shpjegim tjetër veç kapjes së shtetit, korrupsionit dhe nënshtrimit ndaj karteleve mafioze që kanë zaptuar Bulqizën. Por njëkohësisht, heshtja Juaj është edhe simbol i injorimit të shtetit ligjor, parlamentarizmit dhe detyrimit Tuaj kushtetues për të dhënë llogari para deputetëve”, lexohet në letrën e Grupit Parlamentar të PS.

Nën kryetari i Grupit Parlamentar të PS, Saimir Tahiri sqaron në letër se Kryeministrit i është kërkuar 2 herë të paraqitet në interpelancë urgjente për çështjen e Bulqizës, ndërsa të gjitha këto kërkesa “janë sot të stivosura në sirtarin e znj. Jozefina Topalli, e vijon të sillet më shumë si kujdestare e ndonjë konvikti vajzash, sesa si Kryetare e Kuvendit”.

Heshtja mbi numrin e humbjes së jetës së minatorëve në galeritë e minierave, siç cilësohet në letër, “nën hundën tuaj, është thuajse kriminale”.

“Inventari makabër i minatorëve që trajtohen si skllevër dhe i minierave që janë kthyer në kampe përqendrimi të kohëve moderne, do bënte të dridhej e të kërcente nga karrigia, dhe njeriun më të pashpirt, jo më Kryeministrin e vendit”, shkruhet në letrën e PS.

Në përfundim, nën kryetari i Grupit Parlamentar të Partisë Socialiste, kërkon gjithashtu nga ana e Kryeministri Berisha që "të detyroni Ministrin Tuaj t’i përgjigjet kërkesës për informacion lidhur me aspekte po të së njëjtën çështje”.

(Gre.M/Shqiptarja.com)

  • Sondazhi i ditës:

    Lidhjet ruse të Monika Kryemadhit, a duhet që drejtësia të nisë hetimet?

Lajme të tjera



×

Lajmi i fundit

FOTOGALERIA/ Ndërtimet fortifikuese në ‘Ishullin e Sazanit’ në vitet 1915-1921 me qëllim kontrollin e ‘Ngushticës së Otrantos’

FOTOGALERIA/ Ndërtimet fortifikuese në ‘Ishullin e Sazanit’ në vitet 1915-1921 me qëllim kontrollin e ‘Ngushticës së Otrantos’

31 Mars, 22:55