Partia e Lirisë në një zë me Sali Berishën e kanë quajtur puc kushtetues abstenimin e deputetëve të PS-së në Kuvend për të mos lejuar dërgimin e mandatit të Olta Xhaçkës në Gjykatën Kushtetuese.
Pas Sali Berishës, të njëjtin qëndrin ka mbajtur dhe Partia e Lirisë. Në një prononcim për median ditën e sotme Sekretari i përgjithshëm i Partisë së Lirisë Tedi Blushi thotë se në këtë vend drejtësia është e kapur nga shteti, ndërsa theksoi se kjo është provë që tregon asgjësimin e Kuvendit.
“Vendimi i Kuvendit për të hedhur poshtë për herë të tretë vendimin e Gjykatës Kushtetuese për Olta Xhaçkën është konfirmim i asgjësimit të Gjykatës Kushtetuese dhe të vetë Kushtetutës të Republikës së Shqipërisë, është prova e asgjësimit të Kuvendit dhe shtetit të së drejtës. Shkelja e dhunshme e Kushtetutës nga Edi Rama dhe deputetët bedelë të “Rilindjes” për të mbrojtur me çdo kusht interesat korruptive dhe mafioze të Olta Xhaçkës që prevaluan mbi autoritetin e Gjykatës Kushtetuese është konfirmimi se në Shqipëri mafia e ka tashmë shtetin e vet, përfshi edhe drejtësinë e kapur për fyti që po i garanton pandëshkueshmërinë, imunitetin politik dhe goditjen e kundërshtarëve politikë sipas agjendës dhe interesave elektorale të Kryeministrit. Ky puç shumë i rëndë kushtetues i ndërmarrë nga mafia qeveritare dhe i diktuar nga interesat e parave të pista të narkotrafikut dhe trafiqeve të çdo lloji, është akti final i rënies “de jure” dhe “de facto” të shtetit”, tha ai.
Çfarë deklaroi Sali Berisha
Kujtojmë se ditën e djeshme 13 shtator, Sali Berisha reagoi nga banesa e tij lidhur me vendimin e Kuvendit për të mos miratuar mocionin për papajtueshmëri mandati të deputetes Olta Xhaçka që e quajti një puç kushtetues.
“Kuvendi ka vendosur të kërkojë opinionin e Komisionit të Venecias këtë çështje. Thirrja ime për Komisionin e respektuar të Venecias është të hedhë poshtë me përçmim këtë përpjekje kurth për të justifikuar puçin konstitucional që Edi Rama dhe Komisioni Xhafaj realizun mbrëmë gjatë Gkjykatës Kushtetuese”, tha Berisha.
Votimi në kuvend
Ndryshe nga dy herët e para, socialistët zgjodhën pas mesnatës së të enjtes (13 shtator 2024) të abstenojnë në shumicë. Për herë të dytë, deputetët e PS nuk zbatuan vendimin e Gjykatës Kushtetuese për dërgimin e mandatit të socialistes Olta Xhaçkës për verifikim. Pas një seance maratonë në Kuvend, 65 ligjvënës socialistë abstenuan, 9 votuan kundër dhe 25 deputetë të opozitës votuan pro. Vetë deputetja Xhaçka nuk mori pjesë në votim edhe pse ishte e pranishme në sallë.
Reagimi i ndërkombëtarëve
Ndërkombëtarët kanë reaguar ashpër pas votimit të maxhorancës socialiste që për herë të tretë pengojnë kalimin në Gjykatën Kushtetuese të mandatit të ish Ministres së Jashtme, deputetes socialiste Olta Xhaçka. Delegacioni i Bashkimit Evropian në vendin tonë përmes një reagimi zyrtar e konsideroi hap të gabuar nga ana e mazhorancës. Shqetësimin për mos zbatimin e vendimit të gjykatës më të lartë në vend e shprehu edhe nga ambasada amerikane përmes një deklarate zyrtare të shpërndarë në rrjetet sociale.
Lajme të tjera
-
Partia e Lirisë: Trafiku në Tiranë se qeveria çon miliona euro tendera, për rrugë që kanë nisur e s’dihet kur mbarojnë
22 Dhjetor, 13:35 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
Odiseja e 'Xhaçkës' s'ka fund! Bardhi kërkon rivotim në Kuvend! Vë në dijeni dhe ambasadat
13 Dhjetor, 14:22
-
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
Mandati i Xhaçkës, shpërthen Dash Sula në Report Tv: Pse mazhoranca e çon veten në këtë derexhe?! Vetëm ata e lexojnë Opinionin e Venecias ndryshe, edhe zonja 'Pushka'
11 Dhjetor, 15:05 -
Altin Dumani kampion anti-korrupsion nga DASH, Lapardhaja në Report Tv: Mesazh për atë që do vijojë të bëjë politika amerikane! Priten shpallje të tjera 'non grata'
11 Dhjetor, 14:08 -
Mandati i Xhaçkës, Komisioni i Venecias / Bushka: Vendimet e GJK, të zbatueshme por jo të diktojnë votën! Bardhi: Konfirmoi se mazhoranca bëri puç (DOKUMENTI)
10 Dhjetor, 11:24 -
Denoncimi i Partisë së Lirisë në Lezhë: PS shantazh administratës për vota
9 Dhjetor, 14:49
