POP 5

Lajmet më të lexuara të 5 minutave të fundit

Politikë

PS-PD lufta për emrat, Rama
sjell Celibashin,Berisha-Hoxhën

Forcat kryesore politike formatojnë përbërjen emërore për 23 qershorin, duke përcaktuar madje dhe vendet që do të ketë çdo emër në listat. PS çon Arben Isarajn në Vlorë dhe Arben Malajn në Tiranë. Kreu i PD cakton Artan Hoxhën, ish-kandidatin për president, në Durrës. (Foto: Cara dhe Rama)
Alfred Peza: Pse vendi ndodhet në një regjim terrori
FRD, Biberaj: Marrim 75 mijëvota, 7 deri në 8 deputetë
Ish kreu i KQZ-së prurja e re në listat e PS
Berisha-grupit PD: Kujdes me deklaratat në media
PS-PD lufta për emrat, Rama <br />sjell Celibashin,Berisha-Hoxhën
TIRANE - Emrat e kandidatëve për deputetë të dy partive më të mëdha politike, Partisë Socialiste dhe Partisë Demokratike kanë nisur të konturohen, madje dhe sipas renditjes. Gjë që pritet të marrë formën përfundimtare ditët e ardhshme dhe ku Edi Rama, kreu i PS me sa duket është më i avancuar në lidhje me bërjen publike të kandidatëve për deputetë, teksa ka prezantuar deri më tani dy kandidatë potencialë, atë të gazetarit të njohur Alfred Peza në Peqin dhe biznesmenit kavajas Parid Cara. Ndërkohë që kreu i PD, Berisha përpos gjysmëzërit për garantimin e grupit aktual parlamentar, por dhe mosmohimit të kandidimit të ish-kryetarit të PD Eduard Selami në Elbasan, nuk ka lënë për të kuptuar se ka ndërmend të bëjë publike listën e kandidatëve dhe për pak kohë.

Dy partitë e mëdha janë munduar të ruajnë të njëjtat kuota përfaqësimi me deputetët aktualë nëpër qarqet e vendit, por që janë prishur diku në mënyrë publike, diku në mënyrë të padukshme këto balanca sipas qarqeve.

 Kështu, PS ka vendosur tashmë që listën e kandidatëve në qarkun e Kukësit ta kryesojë prokurori Vexhi Muçmataj që pret firmën e Nishanit për të lënë detyrën, i pasuar nga Ram Hoxha për Tropojën por dhe Ilir Zela. Ndërsa risi është futja në listën e Tiranës të gazetarit Marin Mema, por dhe sjellja në Tiranë e Olta Xhaçkës dhe Arben Malajt, rikthimi i Ulqinit, ndërsa kalimi i Veliajt në Korçë, futja e Ziçishtit po në Korçë, Ahmetajt në Gjirokastër, e Finos e Shalsit në Elbasan, e Kodhelit e Gjermenit në Durrës por dhe vendi në listat e Vlorës e Sollakut, në Fier të Celibashit dhe Fatos Klosit, në Shkodër të Bazhdarit, në Dibër të Canit.

Pra një grumbull risish, ndërkohë që janë ende vende bosh pa u plotësuar si në qarkun e Lezhës, atë të Dibrës, qarkun e Fierit etj, që pritet të plotësohen në të ardhmen. Nga ana e tij dhe Berisha mësohet se do të prezantojë risi të forta. Kështu, në Tiranë ka futur shumë zv.ministra si Ristanin, Bozdon dhe Bimon, ndërkohë që prefekti Kruja dhe kreu i njësisë bashkiake 8 Tafaj janë emrat e rinj publikë. Ndryshimet më të mëdha kanë ndodhur në qarkun e Durrësit ku janë afruar gazetari Hoxha dhe sekretari i përgjithshëm i Këshillit të Ministrave Lezhja, në Elbasan ish-kreu i PD Selami, gazetari Balliu por dhe elementë të tjerë, kurse në Korçë është ngjitur Guxholli, në Fier shkon zv.ministri Rrusho, në Vlorë këshilltarët Hysi e Milo, ndërsa në qarkun e Dibrës janë bërë ndryshime të thella.

Ashtu sikurse Rama edhe Berisha ka lënë shumë vende bosh, në përpjekje për të gjetur vendin e duhur për të gjithë ata që mendojnë se mund të sjellin vota për kampet respektive. Por nuk përjashtohet mundësia e hatërmbetjeve nga të dyja kampet politike përsa i përket përzgjedhjes së kandidatëve ndërsa Rama ka filluar më përpara të zgjidhë këtë problem, përmes marrëveshjeve nominale me kandidatët “zemërthyer”. Megjithatë, ka shumë kohë dhe jo gjithçka është përfundimtare.

(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit

Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit

27 Nëntor, 07:26