PDIU ka humbur mandatin e deputetit në Qarkun e Tiranës që prej mbrëmjes së djeshme, pas rritjes në vota të PS. 

PS ka arritur të marrë 183 489 vota, ose 18 mandate, PD 118 799 vota ose 11 mandate dhe LSI 52 453 vota ose 5 mandate. Pikërisht mandati i 18 i PS-së ishte ai që i iku PDIU-së disa orë më parë. 

Nëse PDIU kalon pragun e 3% (2.95% aktualisht), atëherë mandati do t'i kalojë kreut të PDIU, Shpëtim Idrizi. ​

Në qarkun e Tiranës janë numëruar 1109 nga 1198 kuti votimi. Mandati i Idrizit do të varet pikërisht nga votat që ndodhen në 89 kutitë e fundit. 

Rezultatet në Qarkun e Tiranës:

PS  -  183 489 Vota, 18 mandate

PD -   118 799 Vota, 11 mandate 

LSI  -  52 453 Vota, 5 mandate 

PDIU  -  11 320 Vota (në kufirin e një mandati)

Redaksia Online
l.q/Shqiptarja.com