POP 5

Lajmet më të lexuara të 5 minutave të fundit

Politikë

'Sulmi ndaj qendrës shëndetësore ka pasur motiv politik'/ Bardhi- Ballës: Lojë politike për të krijuar një histori të rremë kundër Bashës

Akuzat për rolin e kryedemokratit Lulzim Basha në luftën e Kosovës, numri 2 i PD-së Gazment Bardhi i quan lojëra politike të bazuar mbi histori të rreme.

'Sulmi ndaj qendrës shëndetësore ka pasur motiv politik'/ Bardhi- Ballës: Lojë politike për të krijuar një histori të rremë kundër Bashës

Akuzat e socialistëve se sulmi ndaj qendrës shëndetësore në Elbasan ka pasur motivim politik, demokratët e quajnë një lojë politike me jetën e shqiptarëve. Nga selia blu është numri 2 i PD-së, Gazment Bardhi i cili i ka kthyer përgjigje Taulant Ballës.

Sipas Bardhit, sulmi i qendrës shëndetësore është një histori e rremë për të hequr vëmendjen nga problemi i vërtetë siç ai e quan, që është fshehja e viktimave të COVID-19 nga qeveria. Ai i ka ribërë thirrje Prokurorisë që të nis hetimet.

"Edhe një herë Rama vazhdon të luajë politikisht me jetën e shqiptarëve. Ai dërgoi Taulant Ballën për të krijuar një histori të re të rreme për të sulmuar Lulzim Bashën, sepse ende nuk ka një përgjigje për fshehjen e numrit të vdekjeve të shkaktuara nga pandemia. Edi Rama vetëm po përpiqet të largojë vëmendjen e qytetarëve nga vonesa e pajustifikuar në zbardhjen e së vërtetës. Ne përsërisim thirrjen ndaj prokurorisë të nisë hetimet për fshehjen dhe manipulimin e të dhënave për numrin e të vdekurve nga covid19. Kjo nuk është një çështje politike, por është një çështje thelbësore për të gjithë shqiptarët. Populli shqiptar e ka aftësinë të mos bjerë pre e manipulimeve të Edi Ramës", shkruan Bardhi.

Qendra Shëndetësore në lagjen "Skëndërbej" në Elbasan ra sot pre e sulmit vandal ku një person ka qëlluar me gurë duke i thyer disa nga xhamat e dritareve të saj. Lidhur me këtë reagoi numri 2 i PS-së, Taulant Balla i cili i cili i ka cilësuar këto sulme si të frymëzuar nga nxitjet dashakeqe të politikës kundër bluzave të bardha. 


Lajmi kryesor:

Sulm me gurë qendrës shëndetësore në Elbasan, ndalohet autori! Balla: Motivim i pastër politik e nxitur nga gjuha e urrejtjes ndaj bluzave të bardha! Bardhi: Lojë politike me histori të rremë
B.K./b.ha./Shqiptarja.com
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Izraeli bombardon me raketa aeroportin ndërkombëtar të Sanas në Jemen, disa të lënduar

Izraeli bombardon me raketa aeroportin ndërkombëtar të Sanas në Jemen, disa të lënduar

26 Dhjetor, 17:02