Pse shkaktoi kaq debate deklarata e Nasip Naços

Pse shkaktoi kaq debate deklarata e Nasip Naços në mitingun e LSI në Berat që, pas 23 qershorit Ilir Meta do jetë kryeministër?
Debati është shkaktuar për shkak se tek e majta ka qënë gjithnjë një mollë sherri mes Ramës dhe Metës se kush do të jetë kreu i qeverisë pas një fitoreje të mundshme. Madje thuhet se pikërisht mosarritja e një akordi të tillë mes Ramës dhe Metës, që ky i fundit të ishte kryeministër, ndërsa Rama të mbante kreun e bashkisë së Tiranës solli dhe ndarjen në zgjedhjet e 2009, fati i të cilave dihet tashmë.

Një deklaratë e tillë në fillim të fushatës çfarë sjell..?
Në prag të fushatës elektorale një deklaratë e tillë që krijon idenë se ende e majta është larg arritjes së konsensusit për kreun e qeverisë, pra s’di çfarë të bëjë me fitoren e mundshme të 23 qershorit, sjell mosbesim dhe hutim tek elektorati. Ndaj dhe Rama e Meta janë munduar dje të qetësojnë situatën, duke deklaruar se koalicioni është solid dhe se janë në sintoni të plotë në funksion të fitores së madhe sipas tyre të zgjedhjeve të 23 qershorit, dhe largimit të Berishës nga pushteti.

TAG:
• OSBE