E ftuar në emisionin “Rreze Dielli” në Report TV, me moderatore Androniki Kolka, ishte psikologia Lorela Garuli, e cila foli për inteligjencën emocionale tek fëmijët.
”Inteligjenca emocionale është aftësia që ka një fëmijë për të kuptuar si ndihet dhe pse ndihet në një mënyrë të caktuar, pra çfarë emocioni ka dhe pse e ka këtë emocion” e nis kështu intervistën psikologia e njohur, duke shtuar se falë dijes për inteligjencën emocionale, një fëmijë mund të mësojë sesi të menaxhojë emocionet e vështira si inatin, ankthin apo zemërimin.
”Një faktor i rëndësishëm është fakti që nëse një fëmijë është empatik, e ndihmon shumë për të kuptuar emocionet e të tjerëve dhe kështu mund të kuptojë më mirë botën” shtoi ajo.
Sipas studimeve, nëse një fëmijë mëson të menaxhojë emocionet, është një individ më i qetë dhe i shërben vetes dhe të tjerëve më mirë. Studimet thonë se zhvillimi i inteligjencës emocionale tek fëmijët është shumë i rëndësishëm, pasi është një nga aftësitë që do t'i ndihmojë më shumë të zhvillohen personalisht, të kenë marrëdhënie personale të shëndetshme dhe të jenë të suksesshëm në jetë.
“Kur ka çekuilibër emocional, sjellja e fëmijëve dhe adoleshentëve ndryshon, kjo ndikon në familjen, shkollën dhe bashkëjetesën shoqërore dhe gjithashtu mirëqenien e tyre psikologjike” theksoi psikologia në studio, duke shtuar se këto keq rregullime shfaqen kur fëmija nuk i njeh si duhet emocionet e tij, nuk i shpreh ato ose e bën në mënyrë të papërshtatshme ose keqinterpreton sjelljet ose emocionet e të tjerëve, për shembull.
Ndërtimi i inteligjencës së përshtatshme emocionale tek fëmijët tanë mund t'i ndihmojë ata të jenë emocionalisht më të shëndetshëm. Por sa realisht punojnë prindërit shqiptar në këtë aspekt? A i kushtojmë ne vëmendje emocioneve të fëmijëve? Shpesh këto pyetje nuk kanë përgjigje, por fakt është që fëmijët e sotëm, do të jenë individët e rritur nesër dhe menaxhimi i emocioneve të tyre është shumë i rëndësishëm si proces.
Lajme të tjera
-
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47 -
Sallatë e egër me lëng shege nga Admirina Peçi
31 Tetor, 11:40 -
Hasude me arra sipas traditës matiane nga Admirina Peçi
31 Tetor, 11:34 -
‘Pa to, nuk kemi jetë’, Ja zakonet që po ju dëmtojnë veshkat / Altin Joka tregon ushqimet dhe bimët më të mira për shëndetin e veshkave
30 Tetor, 16:30 -
Bukë misri me djathë e majdanoz nga Niki dhe Eljani
30 Tetor, 12:23 -
'Nëntor i frikshëm', ja cilat shenja do të sprovohen nga ky muaj/ Astrologu Jorgo Pulla paralajmëron: Kujdes!
28 Tetor, 15:32
