‘Puçini in love’ në Opera! ‘7 minuta’ me Driada Dervishin në Korçë! Kërcimi ‘Alkimisti’ tek Eksperimentali! ‘Rumi i ndaluar’ në Shtëpinë Studio Kadare

Me rastin e Shën Valentinit, Teatri Kombëtar i Operas dhe Baletit organizon këtë mbrëmje në orën 19.00 koncertin vokalo-simfonik “Puçini in love”, me pjesëmarrjen e solistëve, Orkestrës dhe Korit të Teatrit dhe artistë nga Konservatori i Salernos “ Giuseppe Martuçi”.

Vrasja ka prishur qetësinë e familjes mbretërore, ku ‘zien’ mëkati i tradhtisë, dëshira për hakmarrje e zemërimi. Vijon sot në orën 20.00 në skenën e Teatrit Eksperimental tragjedia “Elektra” e Sofokliut me regji të Kiço Londos, me aktore protagoniste Laura Nezhën dhe Gladiola Harizajn.

Ekspozita fotografike “Vizitë e vonuar” e artistit Shpëtim Kërçova me imazhe bardhë e zi të prodhuara në Romën e ’41-shit, pret vizitorët deri në 1 mars në galerinë “Bazament art space” në Tiranë.

Regjisorija Driada Dervishi bën bashkë 11 aktore të njohura për shfaqjen e saj “7 minuta” të shkruar nga Stefano Massini. Pjesa interpretohet edhe sot në orën 19.00 në skenën e teatrit “Andon Zako Çajupi” në Korçë.

Nisa Krasniqi dhe Ilirjana Memaj vendosin sot në orën 18.00 në skenën e Teatrit Eksperimental në ArTurbina kërcimin “Alkimisti” me motive nga Paolo Coelho dhe regji të Belkisa Zhelegu.

Në Shtëpinë Studio Kadare mbahet sot në orën 17.30 mbrëmja poetike “Rumi i ndaluar” me pjesëmarrjen e poetes dhe botueses Rita Petro.

Kujtesa Kolektive vijon të diskutohet tek “Bunkeri” në Tiranë edhe sot në orën 18.00 me të ftuarin e radhës sociologun Ergys Mërtiri.

Mbahet sot në orën 17.00 në teatrin “Bylis” në Fier finalja e spektaklit “Kërcimi i dashurisë”, ku do të jetë i ftuar edhe këngëtari Young Zerka.

Promovohet sot në orën 14.00 në Bibliotekën e Kryeministrisë libri “Mjeshtërit e hershëm shqiptarë” nga studiuesja e artit Suzana Varvarica.

Ekspozita “Muri” me punimet e 12 artistëve pamorë në zë në edicionin e saj të pestë pret vizitorët deri në 20 shkurt në galerinë e arteve “Vilson Kilica” në Fier.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Mali i Zi arreston ish-kryeprokurorin special

Mali i Zi arreston ish-kryeprokurorin special