Pukë, kultivuan 527 rrënjë kanabis, në pranga 45-vjeçari, djali dhe nipi i tij! U kapën duke vaditur bimët narkotike

527 rrënjë kanabis u asgjësuan nga policia e Pukës në një operacion të koduar ‘Laku’! Në pranga të policisë ka rënë 45-vjeçari Lavdi Salaj, si dhe djali i tij A.S 16 vjeç dhe nipi i tij R.S. 17 vjeç, të tre banues në Nikël, Krujë.

Sipas policia këta shtetas, në bashkëpunim me njëri-tjetrin, kishin kultivuar, në një zonë të pyllëzuar në vendin e quajtur “Laku i Palucajve”, në territorin e fshatit Qafë-Mali, 527 bimë të dyshuara narkotike kanabis, të cilat u asgjësuan me anë të djegies, ndërsa një sasi u sekuestrua në cilësinë e provës materiale.

Ato u arrestuan teksa ishin duke vaditur bimët narkotike. Shërbimet e Policisë, në bashkëpunim me Prokurorinë, po punojnë për identifikimin dhe arrestimin e personave të tjerë, të cilët mund të jenë të implikuar në këtë veprimtari kriminale. 

Materialet i kaluan  Prokurorisë pranë Gjykatës së Rrethit Gjyqësor Pukë, për veprime të mëtejshme, për veprën penale “Kultivimi i bimëve narkotike”.

M.Q./Shqiptarja.com

TAG:
• puke
• Diber
• Shkoder