Receta

Pulë e marinuar me birrë me patate në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 1 Qershor 2023, 11:35 | Përditesimi: 1 Qershor 2023, 11:37

Pulë e marinuar me birrë me patate në furrë

Përbërësit:

1 pulë
1 birrë
2 thelpinj hudhër
2 degë rozmarine
1.5 kg patate
Vaj ulliri
Piper i kuq i ëmbël dhe pikant
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Pastrojmë pulën duke larguar qafën dhe fundoret e këmbëve. Në një tas vendosim piper kokërr, rozmarinë dhe kripë të trashë. I shtypim në havan duke shtuar dhe piper të kuq. Pulën e spërkasim me vaj ulliri dhe më pas e marinojmë mirë me erëzat brenda dhe jashtë. Kutinë e birrës pasi e hapim e mbështjellim me letër alumini dhe e vendosim poshtë pulës në një tavë. Në blender vendosim dy thelpinj hudhër dhe pak vaj ulliri. Vendosim në tavë patatet e prera, i marinojmë me vajin e aromatizuar me hudhër dhe kripë të trashë. Bëjmë dhe një spërkatje me piper të zi dhe e vendosim tavën me pulë dhe patate në furrë të piqet në temperaturën 200 gradë Celsius për 1 orë.

MC/Shqiptarja.com

TAG: