POP 5

Lajmet më të lexuara të 5 minutave të fundit

Sociale

Punësimi me detyrim për mjekët e rinj! Opozita nuk i beson kostove, PS e voton e vetme te “edukimi”

Mes debatesh dhe vetëm me votat e mazhorancës ka kaluar këtë të martë në komisionet e parlamentit projektligji për punësimin e detyruar të studentëve të mjekësisë, pas rrëzimit pjesërisht nga Gjykata Kushtetuese. Përplasje mes palëve solli kostoja e përcaktuar në relacion, pasi opozita tha se nuk pasqyrojnë realitetin

Ndryshimet e ligjit të ri për studentët e Mjekësisë të kërkuara nga Gjykata Kushtetuese për punësimin e detyruar të studentëve të mjekësisë pas përfundimit të studimeve u miratuan fillimisht vetëm në parim këtë të martë në 2 komisione parlamentare.

Shkak u bë fakti se deputetët e opozitës kërkuan nga mazhoranca, që t’u vihen në dispozicion shifra reale për kostot financiare të implementimit të ligjit.

“Ajo që na shqetëson nga i gjithë ky projektligj ishte kostoja. Kemi një shkresë nga MAS dhe MSH, por nuk kemi një konfirmim nga Këshilli i Ministrave edhe Financa. Ajo që unë mendoj është se kjo nuk është një gjë që mund të kalojë pa një dokumente me shkrim”, tha deputetja e PD Zheni Gjergji.

Por, socialistët e e rimblodhën komisionin, ku e kaluan nen për nen me votat e tyre.

Kostot financiare të përcaktuara në relacion, sollën më herët përplasje mes palëve në komisionin e Shëndetësisë, por edhe në atë të Ligjeve.

“6700 euro, kanë gënjyer. U shit si propagandë tek njerëzit. Sot pranohet publikisht që kostoja është 2500 mijë lek të vjetra.  Ne kemi votuar në një relacion që është mashtruar parlamenti”, tha Erisa Xhixho, deputete e PL.

“Je sensitive se s’ke qeverisur, ndryshe si thua këto. Klith se s’ke argumente”, u shpreh socialisti Plarent Ndreca.

“Nuk mund të votoj një projektligj që kthen punësimin e detyruar, sidomos për studentët”, tha Enkeleid Alibeaj.

Erzen Tola, sekretar i përgjithshëm i MAS u shpreh se në projektligj është vlera jo më shumë se 500 mijë lek.

“Të jeni të sigurt se nëse e kaloni këtë ligj në seancë, në ditën e parë që do të jemi në pushtet do ta rrëzojmë. Ne jemi për liri dhe jo për mbajtje peng të të rinjve”, theksoi demokratja Albana Vokshi.

I cilësuar si antikushtetues nga opozita, ligji i ri u mbrojt fort nga mazhoranca, që e cilëson lëvizjen e duhur për të përmbushur nevojat e shërbimit mjekësor në treg.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03