Kryeminstri Edi Rama ka shpërndarë disa pamje nga segmenti rrugor i Shirokës, ku thekson se punimet janë në fazën përfundimtare.

“Mirëmëngjes dhe me këtë pamje nga rruga panoramike e Shirokës e cila është në fazën përfundimtare të saj, ju uroj një fundjavë të mbarë”, shkruan Rama në rrjetet sociale.

Rruga Shirokë - Zogaj është pjesë e mozaikut të investimeve në bregun perëndimor të liqenit të Shkodrës. Rruga do i kushtojë buxhetit të shtetit 4,7 milionë euro.

Përveç ndikimit për akses më të mirë në infrastrukturë të komuniteteve lokale, rruga pritet të rrisë turizmin në zonë.