Punimet për ngritjen e qendrave sociale, banorët e Picallës në protestë

Banorët e fshatit Picallë dolën sërish në protestë. Sipas tyre kompania private Shijaku Sh.p.k po zapton pronën e tyre private të cilën ata e kanë të trashëguar.

Në protestën e tyre të radhës banorët ishin së bashku me avokatin e tyre Arsen Çaushaj i cili u shpreh se disa banorë po e ndjekin çështjen në rrugë gjyqësore. Vendosjen e dy portave të hekurta në të dyja anët e rrugës avokati e konsideroi të  jashtëligjshme.

“Papritur shteti apo dikush tjetër është kujtuar për t’ua marr këtë pronë dhe për t’ia dhënë dikujt tjetër. Ajo nuk është pronë shtetërore. Është pronë e atyre që e kanë blerë atë para reformës agrare dhe trashëgimtarët  e tyre disponojnë gjithë drejtën ligjore për të qenë pronar të asaj prone të cilët ua kanë lënë në trashëgim prindërit e tyre apo gjyshërit e tyre. Unë nuk mendoj që ne të kthehemi mbrapsht , pra që këto prona që janë prona private, shteti t’i ketë si pronë të tij të cilat i sekuestroi para vitit 46.”

Rreth 200 banorëve të Picallës të cilëve u preket prona e tyre, sipërfaqe pyjore thonë se nuk do të lejojnë vjedhjen e pronës së tyre të cilët të parët e tyre i kanë blerë me flori.

“Unë nuk e di kush është kompania. Është kompani fantazmë”.

“Ne kemi gjithë dokumente të vjetra, jemi autokton. Të vij privati këtu e të na marri tokën me 1 mijë lekë që gjyshi e ka blerë me gjak e me flori, unë nuk e di Ne kemi 20 dynym me letrat e Zogut.”

“Ata tokën tonë nuk e gëzojnë, nuk e lëmë te toka”

“U bë 2 javë këtu dhe s’ka ardhur asnjë përfaqësues të kontaktoj me ne. Portat që i prishëm herën tjetër i kanë ndërtuar sërish”

Shoqëria “Shijaku” SHPK po punon në zonë për ngritjen e qendrave të organizuara sociale, por sipas banorëve askush nuk ka shkuar tek to për të zhvilluar bisedime dhe të bëj transparent projektin.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

ZYRTARE/ Një pikë nga zona e ftohtë, Valencia shkarkon Gennaro Gattuso-n

ZYRTARE/ Një pikë nga zona e ftohtë, Valencia shkarkon Gennaro Gattuso-n