POP 5

Lajmet më të lexuara të 5 minutave të fundit

Politikë

Punimet për Teatrin e ri Kombëtar, Rama ndan fotot nga projekti: Gur i çmuar që i shtohet gjerdanit të veprave moderne të Shqipërisë

Punimet për Teatrin e Ri Kombëtar kanë nisur, ndërsa kryeministri Edi Rama ka ndarë ditën e sotme fotot nga projekti. Përmes një postimi në rrjetin social ‘Facebook’, Rama shkruan se teatri i ri është një gur i çmuar në gjerdanin e veprave moderne që i shtohet vendit tonë.

Punimet për Teatrin e ri Kombëtar, Rama ndan fotot nga projekti: Gur i çmuar që i shtohet gjerdanit të veprave moderne të Shqipërisë

Projekti i Teatrit Kombëtar

TIRANË- Punimet për Teatrin e Ri Kombëtar kanë nisur, ndërsa kryeministri Edi Rama ka ndarë ditën e sotme fotot nga projekti. Përmes një postimi në rrjetin social ‘Facebook’, Rama shkruan se teatri i ri është një gur i çmuar në gjerdanin e veprave moderne që i shtohet vendit tonë.

“Mirëmëngjesi dhe me të ardhmen që nisi të ndërtohet për teatrin e ri kombëtar, si një tjetër gur i çmuar në gjerdanin e veprave moderne të Shqipërisë që duam për fëmijët tanë, ju uroj një ditë mbarë”, shkruan Rama.

Punimet për teatrin nisën një ditë më parë, ndërsa do të quhet ‘Zemra e Tiranës’. Projekti i Teatrit është ideuar nga arkitekti danez Bjarke Ingels, një vepër arkitektonike e shekullit XXI, që do të mirëpres artëdashësit nga marsi i vitit 2025. Ndërtesa e re do të ketë formën e një Fjongo që ndan qartazi 3 hapësirat apo zonat funksionale të një teatri: Front of House, apo zona ku ndërveprojnë vizitorët me të gjithë hapësirat e nevojshme si holli, foyer, black box; Back of House, zona e përshtatur për ambientet administrative, teknike, dhe hapësirat e nevojshme për aktorët dhe qendra apo lidhja e te dyjave me sallën kryesore të teatrit; Salla Kryesore në Qendër. Për shkak të formës së objektit krijohen 4 hapësira kryesore performimi me 1,514 ulëse. Puna për teatrin e ri ka nisur pasi u shpall kompania fituese Agi Cons dhe Re-Is. Tenderi kushtoi 1 miliard e  840 milionë lekë. 

Me nisjen e punës për hapjen e themeleve të Teatrit të ri Kombëtar, u vendos në mënyrë simbolike guri i të themelit për këtë vepër arkitektonike mbresëlënëse të Tiranës së shekullit XXI. Teatri i Ri, do t’u shërbejë me kushtet më optimale aktorëve e spektatorëve, po edhe do të hyjë me dinjitet në radhën e objekteve më të mira të të njëjtit lloj në Europë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • titi: 22/12/2022 11:50

    fantastike

    Përgjigju
  • Sondazhi i ditës:

    A duhet ti jepet Bashës një shans tjetër për të drejtuar PD-në?

Lajme të tjera



×

Lajmi i fundit

Tensionet në veri të Kosovës, Krasniqi: Kurti po mundohet të heqë vëmendjen nga shqetësimet reale! Kulla: Të bashkëpunojë me opozitën ose të dorëhiqet

Tensionet në veri të Kosovës, Krasniqi: Kurti po mundohet të heqë vëmendjen nga shqetësimet reale! Kulla: Të bashkëpunojë me opozitën ose të dorëhiqet

5 Qershor, 22:08