Punëtori bie nga lartësia e pallatit në Tiranë, plagoset rëndë! Shoqërohen 2 kolegët dhe përfaqësuesi i kompanisë! Momenti kur nxirret me vinç nga gropa (VIDEO)
Një punëtor ka rënë në gropën e një pallati në ndërtim në rrugën "Faik Konica". Nga sa mësohet, punëtori nga rënia ka pësuar dëmtime të rënda, ndërsa ka probleme të mëdha me shtyllën kurrizore.
Redaksia 11 Shtator 2021, 09:52 | Përditesimi: 11 Shtator 2021, 13:39
TIRANË- Ramazan Dika, 50 vjeç, sapo kishte nisur ditën e punës në kantierin e një pallati në ndërtim në rrugën “Faik Konica” në Tiranë. Për fat të keq, kur po lëvizte nëpër shkallë, ra në gropën e pallatit, i cili ishte i shtruar me hekura në fundit e tij.
Si pasojë Dika ka dëmtuar rëndë shtyllën kurrizore, ndërsa është dërguar për mjekim në Spitalin e Traumës.
Në vendin e ngjarjes është dashur ndërhyrja e zjarrfikësve, të cilët bënë të mundur nxjerrjen nga gropa të të plagosurit, siç shihet përmes këtyre pamjeve që Report Tv sjell. Policia ka pezulluar punimet në kantier, ndërsa ka shoqëruar për sqarim të situatës tre persona, dy punëtorë dhe një përfaqësues të kompanisë.
"Më datë 11.09.2021, rreth orës 09:10, në rrugën “Faik Konica”, në një pallat në ndërtim ka rënë nga lartësia punëtori shtetasi R. D., 50 vjeç, i cili po dërgohet në spital, për ndihmë mjekësore. Vijon puna nga grupi hetimor për sqarimin e rrethanave të ngjarjes", njofton Policia.
Objekti qe po ndertohet
Rendit zhvillimet sipas orarit:
Ora 10:08
Tiranë/ Ra nga lartësia e pallatit ku punonte, momenti kur punëtori nxirret me vinç nga gropa (VIDEO-LAJM)
Report Tv sjell video nga momenti kur punëtori, Ramazan Dika është nxjerrë nga gropa, ku ka rënë teksa ishte duke punuar për ndërtimin e një pallati. Punëtori është nxjerrë nga gropa me anë të vinçit, për të transportuar më pas në spital. Gjendja e tij ëhstë serioze.