POP 5

Lajmet më të lexuara të 5 minutave të fundit

Politikë

Pushimet lënë pezull reformimin e kupolës së PD, çfarë pritet në shtator? Vendimi më i rëndësishëm i Bashës ‘fati' i Berishës

Demokratët kanë nisur pushimet të zgjatura dhe kanë lënë pezull ndryshimet që Lulzim Basha duhet t’i bëjë kupolës drejtuese në PD. Para shtatorit, selia blu pritet të zgjedhë nënkryetarët, sekretarët, por edhe të marrë një vendim lidhur me mandatin e ish kryeministrit Sali Berisha. Deri tani nuk ka asnjë shenjë për zhvillme të mundshme në këtë parti.

Pushimet e gushtit kanë lënë pezull disa prej vendimeve të rëndësishme që kryedemokrati Lulzim Basha duhet të marrë para nisjes së sesionit të ri të Parlamentit, ku PD rikthehet pas dy vite e gjysmë bojkot.

Pas zgjedhjes së Këshillit të ri kombëtar, në mbledhjen e jashtëzakonshme të Kuvendit Demokrat, më 17 korrik, ky organ i ri nuk është mbledhur asnjëherë, e për pasojë është ende pa një kryetar. Kryetari i Këshillit zgjidhet në mbledhjen e parë të tij, mes të paktën 2 kandidaturave, të cilat do të propozohen nga kryedemokrati Basha.

Emrat që do të jenë nënkryetarët e rinj dhe Sekretari i Përgjithshëm, do të duhet gjithashtu të zbulohen para shtatorit, por për mediat, numri 2 i PD, Gazment Bardhi ka shprehur hapur ambicien për ta mbajtur për një mandat të dytë, postin më të rëndësishëm pas kryetarit.

Kryetari i Sekretariatit Organizativ, është po ashtu vend vakant, që pas dorëheqjes së Sait Dollapit, në 10 maj, e bashkë me të, Basha duhet të propozojë emrat që do të drejtojnë sekretariatet e tjerë, atë të Etikës, Integritetit dhe Apelimit, Zgjedhor, Ligjor, të Burimeve Njerëzore etj.

Por krahas riformatimit të ekipit drejtues, vendimi më i rëndësishëm që duhet të marrë kryedemokrati Basha është fati politik i ish liderit të PD, Sali Berishës, pas kërkesës së Shteteve të Bashkuara të Amerikës për të mos lejuar të shpallurin 'non grata' prej tyre, të futet në parlament. Kjo çështje bëhet edhe më delikate kur demokratët kanë nisur të ndahen në dy kategori, ata që mbështesin futjen e Berishës në Parlament, e zëra të tjerë, si deputeti Mark Marku e anëtari i kryesisë Fatbardh Kadilli që kërkojnë distancim të Berishës nga jeta aktive politike në Partinë Demokratike. Vetë Berisha i përcoi disa ditë më parë Lulzim Bashës mesazhin se ky i fundit nuk mund t’i mohojë të drejtën që qytetarët i dhanë më 25 prill për të qenë një prej 59 deputetëve të PD në legjislaturën e ardhshme. 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigranti: 08/08/2021 05:17

    Pse se boton komentin..?? Do nisem per shpirtin e atyre qe me vrau ky qen dhe do i ve zjarin LALEZIT

    Përgjigju
  • Emigranti: 08/08/2021 04:59

    Bejne pushime keta beqira qe dogjen shqiperin ...ike veruni zjarin o popull atje ne lalez....ah cjam larg se skam cfar humbas i semur jam mjafton te iki i ngopur te mar dhe keta tradhetare trafikante shkaterimtare mafjoze perverse hajdute kriminele vrases mafjoz grabites pronash ..me vete

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58