POP 5

Lajmet më të lexuara të 5 minutave të fundit

Opinion

Mentor Kikia: Pushka top dhe puna e mbarë

Mentor Kikia: Pushka top dhe puna e mbarë

Drejtësia ka marrë “pushkën”. Dhe ne s’mund të themi tjetër gjë veçse të urojnë sipas traditës tonë “pushka top t’u bëftë”. 

Ca të arrestuar, ca në arrati, cë nën hetim e ca të përfolur se do të arrestohen së shpejti. 

Mazhoranca i konsideron si sukses të “luftës antikorrupsion” arrestimet e zyrtarëve të korruptuar. Ndërsa opozita akuzon për vendime politike lidhur me hapjen e hetimeve për ish kryeministrin Berisha.

“Gjyqet” publike nëpër studio rreken të zbulojnë se me kë është SPAK-u dhe ku do të dalë me këto që po bën. Dikush mendon se prokuroria ka marrë përsipër të pastrojë politikën dhe se Shqipëria do të shpëtojë pas kësaj.

Dikush mendon se SPAK po bën arrestime të komanduara nga Rama brenda qeverisë. Dikush tjetër mendon se është me mision për të shkatërruar opozitën për llogari të Ramës. Vërejtje ka plot, dhe lista e atyre që duhet të bëjë SPAK është e gjatë.

Por rëndësi ka që moçali po trazohet. Zullumi u trash shumë sepse ata që kishin në dorë çelësat nuk kishin frikë të vidhnin dhe u zhytën deri në fyt. Sepse pandëshkueshmëria ishte një ligj më vete.

Hetimet ndaj Berishës janë sprova më e madhe e drejtësisë në këto 3 dekada. Jo për shkak të peshës së tij si politikan, por për shkak se për herë të parë një ish- kryeministër hetohet e dyshohet për vendimet që ka marrë kabineti qeveritar që ai ka drejtuar. Sepse korrupsioni nuk bëhet me me valixhe “cash”, por me VKM dhe ligje.

Do të dalë kjo një “bllof” apo do të krijojë një kazus juridik?

Këtë s’e dimë!

Megjithatë, tani për tani, ajo që mund të bëjmë është ti themi SPAK-ut “puna e mbarë” dhe Ambasadës amerikane “faleminderit”.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tiranë, mbajtën të mbyllur 21 vjeçaren në një apartament në 'Astir', arrestohet njëri prej djemve, në kërkim 5 të tjerë (EMRI)

Tiranë, mbajtën të mbyllur 21 vjeçaren në një apartament në 'Astir', arrestohet njëri prej djemve, në kërkim 5 të tjerë (EMRI)

26 Janar, 13:13