Pushtimi i Ukrainës nga Rusia, njihuni me përmbledhjen e asaj që po ndodh në vijën e parë të luftës

Forcat ukrainase në Mariupol vazhdojnë të mbajnë qendrën e qytetit, sipas vlerësimit të fundit nga Instituti për Studimin e Luftës (ISW), i cili ka dokumentuar ndryshimin e linjave të betejës që nga fillimi i luftës.

Këtu janë zhvillimet e tjera nga vija e parë të luftës, shkruan BBC.

-Sulmet ruse vazhdojnë rreth Mariupolit, por Ukraina ende kontrollon pjesën më të madhe të qytetit port strategjik jugor;

-Trupat ukrainase kanë bërë përparim duke rimarrë territorin në Kherson perëndimor, një qytet i pushtuar pranë Krimesë, dhe tani ata kërcënojnë kontrollin rus të qytetit;

-Trupat ruse që tërhiqen nga qyteti verior i Kharkivit dhe po vendosin fusha të minuara ndërsa po largohen, në pritje të kundërsulmeve të Ukrainës;

-Sulmet në Izyum vazhdojnë, por Rusia nuk mori asnjë territor shtesë atje të premten;

-Trupat luftarake ruse që kthehen nga fronti po refuzojnë gjithnjë e më shumë të ridislokohen sepse morali i tyre është i ulët;

-Në rajonet Donetsk dhe Luhansk, Rusia po fokuson përpjekjet në marrjen e qyteteve Rubizhne, Popasna dhe Marinka;

-Një raketë ruse Tochka-U goditi një pikë evakuimi civil në stacionin hekurudhor Kramatorsk , duke vrarë të paktën 50 dhe duke plagosur rreth 100;

-"Kanalet pro-ruse të Telegramit dhe Ministria Ruse e Mbrojtjes fillimisht pretenduan se forcat ruse kryen sulme të sakta në stacionet hekurudhore në Donbas përpara se të fshinin pretendimet pasi u shfaqën viktima të rënda civile," thotë raporti, shkruan më tej BBC.

Lajmi kryesor:

Lufta/ Pas Von der Leyen, Johnson udhëtim 'surprizë' në Kiev, takohet me Zelenskyn! Masakër e re në Makariv, 132 viktima! BE premton 600 mln euro për Ukrainën

G.B./M.Q./Shqiptarja.com

TAG:
• ukraine
• Rusi
• rusia sulmon ukrainen