Lufta/ Pas Von der Leyen, Johnson udhëtim 'surprizë' në Kiev, takohet me Zelenskyn! Masakër e re në Makariv, 132 viktima! BE premton 600 mln euro për Ukrainën

Volodymyr Zelensky dhe Boris Johnson kanë ecur së bashku pasditen e sotme në qendër të Kievit, të shoqëruar nga roje sigurie.

Kështu raporton Ukrinform, duke publikuar një video në të cilën dy liderët kalojnë rrugë të ndryshme dhe ndalojnë për të biseduar me disa banorë.

Disa foto nga vizita janë publikuar nga Zelensky në profilin e tij në Facebook.

"Shkalla e krimeve" të forcave ruse në Mariupol "është dhjetë herë më e keqe se gjenocidi i Buçës".

Komuna e qytetit ukrainas shkruan në Telegram, me foton e "një nënkalimi në lagjen periferike të Sadkiv", me trupa të rreshtuar në tokë. “Okupatorët kanë ngritur një pikë grumbullimi për trupat e banorëve të vrarë. Qindra kufoma sillen në këto pika çdo ditë “për më pas” t'i shkatërrojnë në krematoriume të lëvizshme ose t'i varrosin në varre masive. Racistët po bëjnë gjithçka për të fshehur tragjedinë e Mariupolit”.

Kryeministri Boris Johnson thotë se Britania e Madhe po përgatit një paketë të re ndihme financiare dhe ushtarake për Ukrainën si dëshmi e angazhimit të saj ndaj këtij vendi në luftën kundër fushatës barbare ruse. Kryeministri Boris Johnson e shkruan këtë në Twitter pas takimit me presidentin ukrainas..

Bashkimi Europian do të japë 1 miliard euro për të mbështetur Ukrainën dhe vendet që po presin refugjatët që largohen nga lufta. Lajmin e ka dhënë Ursula von der Leyen, presidente e Komisionit Europian.

“600 milionë euro do të shkojnë për Ukrainën, për autoritetet ukrainase dhe pjesërisht për Kombet e Bashkuara. Ndërsa 400 milionët e tjerë do të shkojnë për shtet që po ndihmojnë dhe mirëpresin refugjatët që po i largohen luftës”, tha Von der Leyen.

"Kryeministri i Mbretërisë së Bashkuar Boris Johnson është një nga kundërshtarët që nga fillimi i pushtimit rus, lider në presionin e sanksioneve ndaj Rusisë dhe në mbështetje të mbrojtjes së Ukrainës", shkruan presidenti ukrainas Volodymyr Zelensky. “Mirë se erdhe në Kiev, miku im”, thotë Zelensky.

Ukraina do ta fitojë luftën "në fushën e betejës". Kështu ka Përfaqësuesi i Lartë për Politikë të Jashtme të BE-së, Josep Borrell në Twitter, duke nënvizuar se në Kiev po mbërrijnë edhe 500 milionë euro të tjera për blerjen e armëve. “Dorëzimi i armëve do të përshtatet me nevojat e Ukrainës”, shtoi Borrell. Kështu, fondi i mbështetjes ushtarake të BE-së për Ukrainën rritet në 1.5 miliardë euro.

Kryeministri britanik Boris Johnson ka udhëtuar në Kiev ku është takuar me presidentin ukrainas Volodymyr Zelensky. Raporton presidenca e Ukrainës.  Boris Johnson është lideri i parë i G7 që viziton Ukrainën që nga fillimi i pushtimit rus më 24 shkurt. Më herët, në Kiev udhëtoi presidentja e Komisionit Europian, Ursula von der Leyen.

Numri i viktimave civile të Bucha është rritur.

“Sipas  autoriteteve të qytetit, gjithsej 360 civilë janë vrarë aktualisht, duke përfshirë të paktën 10 fëmijë", shkruan komisionerja për të drejtat e njeriut në Parlamentin ukrainas Lyudmyla Denisova.

Bilanci i fundit i viktimave ishte ditën e enjte, ku gjithsej ishin 320 viktima. Në Bucha rusët kishin krijuar edhe një dhomë torturash për civilët.

Duma e Shtetit Rus ka raportuar se Google ka bllokuar kanalin e saj zyrtar të transmetimit në platformën YouTube.

"Google bllokoi kanalin e Duma TV në YouTube. Ai kishte më shumë se 145.000 subscribes dhe videot tona morën mbi 100 milionë shikime në total", tha zyra e shtypit e Dumës.

Megjithatë, autoritetet e Dumës thanë se ishin "të përgatitur për këtë situatë" dhe njoftuan se transmetimet e tyre do të vazhdojnë në platformat ruse si RuTube.

Forcat ruse kanë shkatërruar një depo municioni në bazën ajrore Myrhorod në Ukrainën qendrore, njoftoi agjencia e lajmeve Interfax, duke cituar ministrinë ruse të mbrojtjes.

Një luftëtar i forcave ajrore ukrainase MiG-29 dhe një helikopter Mi-8 u shkatërruan gjithashtu në sulmin në bazën në rajonin e Poltava, sipas zëdhënësit të ministrisë Igor Konashenkov.

Guvernatori i rajonit të Poltava, Dmytro Lunin, tha në mediat sociale se dy persona ishin plagosur dhe se në vend u shkaktuan "dëmtime të konsiderueshme".

Volodymyr Zelensky ka deklaruar për gazetën gjermane BILD se kreu i qeverisë së një prej vendeve të BE-së i kërkoi atij prova se maskara e ushtarëve rusë në Bucha nuk ishte "mashtrim".  Zelensky nuk e ka bërë me dije emrin e tij.

"Gjëja më e keqe që kam dëgjuar ditët e fundit ishte ajo e një politikani të rangut të lartë në BE, i cili më kërkoi të jepja prova që tregonin se masakra e Buçës nuk ishte një inskenim."

Ndërkohë, Zelensky fajësoi Gjermaninë për vonesat në vendimet për të vendosur një embargo ndaj naftës dhe gazit rus.

Sulmi në stacionin  e trenit Karamtorsk la pas 50 viktima, ndërsa në media është publikuar një video dramatike nga shpërthimi. Pak minuta para se raketa të përplasej në stacion, turma e njerëzve lëvizi me kujdes midis dhomës së pritjes dhe platformës hekurudhore. Vullnetarët organizojnë linjat, shpjegojnë, shpërndajnë çaj dhe kafe. Papritmas video errësohet dhe rinis menjëherë pas shpërthimit me britmat e fëmijëve, njerëzve që vrapojnë brenda e dalin në dhomën e pritjes.

"Nuk mund të qaj më", tha presidenti ukrainas Volodymyr Zelensky në një intervistë për gazetën gjermane Bild, duke iu përgjigjur pyetjes nëse kishte qarë për masakrat e djeshme në stacionin Kramatorsk dhe pas qindra të vdekurve në Bucha. I pyetur nëse ndjen urrejtje për Moskën, udhëheqësi ukrainas tha: “Po, e urrej Rusinë, për ushtarët rusë. Kur shoh këto pamje para syve të mi, fëmijë të vrarë pa këmbë, pa krahë, më vjen inat, është inat, është e tmerrshme”.

Në rajonin e Zaporizhzhia, rusët deri më tani kanë rrëmbyer 106 persona, duke përfshirë 21 zyrtarë të pushtetit vendor dhe 2 gazetarë. Kjo është raportuar nga administrata ushtarake rajonale.

“Civilët e marrë peng nga ushtria e Federatës Ruse nga data 14 mars deri më 9 prill janë gjithsej 106, nga të cilët 63 persona vazhdojnë të mbahen peng, ndërsa 43 janë liruar”, u sqarua.

Ministri i Jashtëm i Ukrainës, Dmytro Kuleba ka bërë me dije se kanë krijuar një arkiv online për të dokumentuar krimet e luftës. Arkivi është në gjuhën angleze.

"Ne kemi krijuar një arkiv në internet për të dokumentuar krimet e luftës të Rusisë. Dëshmitë e mbledhura për mizoritë e kryera nga ushtria ruse në Ukrainë do të parandalojnë kriminelët e luftës që t'i shpëtojnë drejtësisë", shkruan Kuleba.

Zv.ministrja ukrainase për Integrimin Evropian, Olga Stefanishyna thotë se synojnë të marrin statusit e vendit kandidat për në BE deri në muajin qershor.

"Ukraina pret të marrë statusin e vendit kandidat për anëtarësim në BE deri në qershor. Ukraina ka marrë pyetësorin për anëtarësimin në BE. Ne kemi bërë tashmë shumë punë përgatitore, kështu që jemi gati të ecim shpejt. Presim të marrim statusin e vendit kandidat në qershor. Është pjesë e rimëkëmbjes dhe fitores sonë ndaj agresorit rus që dëshiron të ndryshojë rrugën demokratike të Ukrainës ", shkroi Olga Stefanishyna në Twitter.

Kujtojmë që një ditë më parë presidentja e Komisionit Europain i dorëzoi presidentit ukrainas Volodymyr Zelenskyt pyetësorin për anëtarësimin në BE.

“Pas Pashkëve do të rihapet ambasada italiane në Kiev, diplomacia për paqen duhet të mbizotërojë”. Kështu deklaroi ministri i Jashtëm Luigi Di Maio gjatë një takimi të djeshëm në Ministrinë e Jashtme. Përfaqësia italiane në këto javë lufte ka mbetur aktive nga Lviv.

Mbi 19,000 ushtarë rusë janë vrarë në Ukrainë që nga fillimi i pushtimit. Lajmin e njoftoi ushtria ukrainase në llogarinë e saj në Twitter. Në përditësimin e fundit mbi humbjet e pësuar nga Moska deri më tani, ai tregon se rreth 19,100 ushtarë rusë kanë vdekur, 151 avionë luftarakë janë rrëzuar së bashku me 136 helikopterë dhe 112 dronë. Për më tepër, forcat e Kievit pretendojnë se kanë shkatërruar 705 tanke ruse, 335 copë artilerie, 1,895 transportues të blinduar të personelit, katër sisteme raketash balistike me rreze të shkurtër veprimi, 108 sisteme raketahedhëse, shtatë anije, 1,363 automjete, 76 cisterna karburanti, 55 njësi të mbrojtjes kundërajrore. dhe 25 njësi të pajisjeve speciale.

Presidenti i SHBA Biden tha se kryetarja e Dhomës së Përfaqësuesve Nancy Pelosi ra dakord të ngrijë marrëdhëniet tregtare me Rusinë.

“Javën e ardhshme Dhoma e Përfaqësuesve "do të miratojë legjislacionin për të zyrtarizuar këtë revokim dhe është shpresa jonë që ajo të marrë një votë të fortë dhe dypartiake", tha Pelosi.

SHBA-të janë të vendosura të revokojnë statusin në koordinim me Bashkimin Evropian dhe G7, që do të thotë se të gjitha këto vende mund të rrisin tarifat për importet ruse për t'i shkaktuar dëme të mëtejshme ekonomike Moskës në hakmarrje për sulmin që ka ndisur ndaj Ukrainës.

Për sot në Ukrainë janë rënë dakord për 10 korridore humanitare. Zëvendëskryeministrja Iryna Vereshcuck e bën të ditur këtë në Telegram. Për qytetin e rrethuar të Mariupolit, lëvizja (drejt Zaporizhzhia) bëhet me mjete personale.

Furnizimet e Perëndimit me armë dhe municione për Ukrainën shkaktojnë "gjakderdhje të mëtejshme", janë "të rrezikshme dhe provokuese" dhe mund të çojnë "Shtetet e Bashkuara dhe Federatën Ruse në rrugën e konfrontimit të drejtpërdrejtë ushtarak": tha ai në një intervistë për Newsweek ruse Ambasadori në SHBA, Anatoli Antonov, duke theksuar se Moska bën gjithçka që është e mundur për të shmangur viktimat civile dhe dëmtimin e infrastrukturës së Ukrainës.

Ish-centrali bërthamor në Çernobil në Ukrainën veriore që u mor nga forcat ruse në ditën e parë të pushtimit, tani është kthyer nën kontrollin e Ukrainës.

Yogita Limaye e BBC-së, e cila ishte ndër gazetarët që shikoi brenda centralit që nga largimi i rusëve, foli me stafin e uzinës, të cilët u lejuan të vazhdonin punën kur filloi okupimi.

"Ne duhej të negocionim vazhdimisht me ta dhe të përpiqeshim shumë që të mos i ofendojmë, në mënyrë që ata të lejojnë personelin tonë të menaxhojë objektin," tha inxhinieri Valeriy Semonov.

Kur rryma e stacionit u ndërpre për tre ditë, Valeriy tha se ai u përpoq të gjente karburant për të mbajtur gjeneratorin në punë, madje duke u përdorur për të vjedhur disa nga rusët.

Ushtria ruse po riorganizohet në Ukrainën lindore dhe objektivi i radhës mund të jetë qyteti i Kharkiv. Kështu tha kreu i inteligjencës ushtarake ukrainase, gjenerali Kyrylo Budanov, në një intervistë për CNN. Gjenerali shpjegoi se trupat e Moskës po "rigrupohen drejt Izium" - një qytet me rëndësi të madhe strategjike - dhe "ata planifikojnë të përparojnë drejt Kharkiv-it para së gjithash. Budanov parashikon gjithashtu se pas përpjekjes për të shkatërruar Kharkivin dhe Mariupolin, rusët mund të përpiqen të avancojnë drejt Kievit.

ukraine.jpg" style="height:440px; width:780px" />

Forcat ukrainase në Mariupol vazhdojnë të mbajnë qendrën e qytetit, sipas vlerësimit të fundit nga Instituti për Studimin e Luftës (ISW), i cili ka dokumentuar ndryshimin e linjave të betejës që nga fillimi i luftës.

Këtu janë zhvillimet e tjera nga vija e parë të luftës, shkruan BBC.

-Sulmet ruse vazhdojnë rreth Mariupolit, por Ukraina ende kontrollon pjesën më të madhe të qytetit port strategjik jugor;

-Trupat ukrainase kanë bërë përparim duke rimarrë territorin në Kherson perëndimor, një qytet i pushtuar pranë Krimesë, dhe tani ata kërcënojnë kontrollin rus të qytetit;

-Trupat ruse që tërhiqen nga qyteti verior i Kharkivit dhe po vendosin fusha të minuara ndërsa po largohen, në pritje të kundërsulmeve të Ukrainës;

-Sulmet në Izyum vazhdojnë, por Rusia nuk mori asnjë territor shtesë atje të premten;

-Trupat luftarake ruse që kthehen nga fronti po refuzojnë gjithnjë e më shumë të ridislokohen sepse morali i tyre është i ulët;

-Në rajonet Donetsk dhe Luhansk, Rusia po fokuson përpjekjet në marrjen e qyteteve Rubizhne, Popasna dhe Marinka;

-Një raketë ruse Tochka-U goditi një pikë evakuimi civil në stacionin hekurudhor Kramatorsk , duke vrarë të paktën 50 dhe duke plagosur rreth 100;

-"Kanalet pro-ruse të Telegramit dhe Ministria Ruse e Mbrojtjes fillimisht pretenduan se forcat ruse kryen sulme të sakta në stacionet hekurudhore në Donbas përpara se të fshinin pretendimet pasi u shfaqën viktima të rënda civile," thotë raporti, shkruan më tej BBC.

Roman Abramovich thuhet se iu afrua një sërë kontaktesh të pasura në SHBA duke kërkuar miliona kredi për ta ndihmuar atë të paguante faturën e tij të madhe javore të stafit.

Sipas Daily Mail, oligarku, i cili u shkëput nga pasuria e tij me miliarda paund pasi Rusia pushtoi Ukrainën, ka kontaktuar me anë të njohjeve, duke përfshirë familjen Rothschild dhe producentin hollivudian Brett Ratner për hua prej 1 milion dollarësh secili, shkruan Sky News.

Por Abramovich e mohon këtë.

Ndërkohë, gruaja e Petr Aven, një drejtoreshë e bankës më të madhe private të Rusisë, vizitoi pikat e parave të Londrës duke marrë sa më shumë para që mundi përpara se të goditeshin sanksionet. 

Organizata humanitare amerikane Direct Relief i tha Wall Street Journal se, me kërkesë të ministrit ukrainas të shëndetësisë, ajo dërgoi rreth 220,000 shishe me një ilaç që mund të përdoret për të kundërvepruar në Kiev, ndaj efekteve të armëve kimike si agjentët nervorë.

Kjo është atropina e cila përdoret për të rritur rrahjet e zemrës ose për të reduktuar sekrecionet e mukusit në mushkëri ose rrugët e frymëmarrjes, shkruan Corriere. 

Në praktikë, është në gjendje të bllokojë efektet e helmimit të shkaktuar nga agjentët nervorë. Ky është i njëjti medikament i shpërndarë për punonjësit e kujdesit shëndetësor në Siri në vitin 2017.

Ukraine.jpg" style="height:446px; width:780px" />

Ukraina shpreson të marrë statusin e vendit kandidat në BE në një samit të liderëve të Bashkimit Evropian në qershor të këtij viti.

“Shpresojmë që Ukraina të marrë statusin e një kandidati për anëtarësim në samitin e liderëve të Bashkimit Evropian në qershor të këtij viti dhe ky proces do të hapë horizonte të reja politike për ne, në radhë të parë horizonte financiare”, tha zëvendëskryeministrja për Integrimin evropian dhe euroatlantik të Ukrainës, Olha Stefanishyna, transmeton Ukrinform.

Siç shpjegoi zyrtarja, Ukraina është aktualisht në një fazë teknike, kur Komisioni Evropian duhet të përcaktojë nëse ajo përmbush kriteret e Kopenhagenit. Qeveria e Ukrainës ka bërë pjesën më të madhe të kësaj pune, vuri në dukje ajo.

"Ne kemi përmbushur pothuajse 70% të detyrimeve tona sipas Marrëveshjes së Asociimit. Tashmë jemi bërë pjesë e tregut të energjisë të Bashkimit Evropian. Tashmë kemi një regjim pa viza me Bashkimin Evropian, kemi tashmë 70% të kushteve të funksionimit të përbashkët, me fjalë të tjera, vetë Komisioni Evropian konfirmon se ne kemi bërë tashmë pjesën më të madhe të punës që vendet kanë kaluar prej vitesh në rrugën e tyre drejt anëtarësimit”, theksoi zyrtarja.

Stefanishyna shtoi se statusi i kandidatit mundësoi grumbullimin e fondeve të mëdha në formën e ndihmave në shumë miliarda.

"Në kohë paqeje, është zhvillimi i vendit, përputhja e tij me standardet evropiane, në rastin tonë, restaurimi i vendit," tha ajo.

Siç është raportuar, Zëvendës Shefi i Zyrës së Presidentit Ihor Zhovkva deklaroi se procesi teknik i shqyrtimit të kërkesës së Ukrainës për anëtarësim në BE kishte filluar dhe BE-ja së shpejti do t'i dërgojë Ukrainës një pyetësor në lidhje me pothuajse të gjitha fushat.

Samiti i BE-së u mbajt në Francë më 10 mars për të diskutuar forcimin e mbrojtjes evropiane dhe reduktimin e varësisë nga gazi, nafta dhe qymyri rus. Udhëheqësit e BE-së ishin unanim në mbështetjen e Ukrainës në luftën kundër Rusisë dhe pranuan aspiratat evropiane të Kievit.

Forcat Ajrore të Ukrainës shkatërruan tre objektiva ajrore ruse. Sipas shërbimit për shtyp të .Forcave Ajrore të Ukrainës, më 8 prill, një raketë lundrimi, një dron UAV dhe një helikopter i Rusisë u rrëzuan nga forcat ukrainase, shkruan The Kyiv Independent.

Kryeministri japonez Fumio Kishida mbajti një konferencë shtypi të premten në të cilën njoftoi dëbimin e tetë diplomatëve rusë dhe ndalimin total të importeve të qymyrit rus.

"Rusia ka shkelur në mënyrë të përsëritur ligjin ndërkombëtar humanitar duke vrarë civilë dhe duke sulmuar centralet bërthamore. Këto janë krime lufte të pafalshme," u tha Kishida gazetarëve, shkruan BBC.

Japonia ka vazhduar të vendosë sanksione kundër Rusisë në koordinim me SHBA-në dhe vendet evropiane.

"Japonia qëndron së bashku me Ukrainën," tha Kishida.

Japonia është importuesi i tretë më i madh në botë i qymyrit pas Indisë dhe Kinës. Rusia përbën 11% të importit të qymyrit të Japonisë.

Një zyrtar i lartë i mbrojtjes amerikane tha se disa njësi ruse në Ukrainë janë "eliminuar plotësisht" dhe se fuqia luftarake e Moskës është midis 80% dhe 85% të niveleve të para pushtimit, shkruan La Repubblica.

"Ne kemi parë indikacione të disa njësive që janë eliminuar tërësisht, për të gjitha qëllimet dhe efektet," tha zyrtari sipas raporteve të mediave amerikane.

Presidenti ukrainas Volodymyr Zelensky, në video-mesazhin e tij të zakonshëm të mbrëmjes drejtuar vendit, akuzoi Moskën për sulmin me raketa që kreu një masakër në stacionin Kramatorsk.

"Është një tjetër krim lufte i rusëve dhe Ukraina pret një përgjigje të ashpër. Ne do të bëjmë çdo përpjekje për të zbuluar se kush e ka bërë këtë, kush e ka dhënë urdhrin, nga ka ardhur raketa, kush e ka kryer atë, kush ka urdhëruar sulmin dhe kush ka pranuar ta bëjë këtë, në mënyrë që të identifikohen të gjithë fajtorët”, tha ai.
 

Lufta në Ukrainë çoi në një "hap gjigand" në çmimet e ushqimeve muajin e kaluar, thonë Kombet e Bashkuara, shkruan BBC.

Rritja e kostove për produktet bazë si drithërat, vaji vegjetal dhe sheqeri janë zbuluar në Indeksin e Çmimeve të Ushqimit të OKB-së që gjurmon mallrat. Ata janë në nivelin më të lartë që nga fillimi i regjistrimeve 60 vjet më parë, duke u kërcyer me gati 13% në mars, pas nivelit të lartë të shkurtit.

Ukraina është eksportuesi më i madh në botë i vajit të lulediellit, që do të thotë se kostot e alternativave janë rritur gjithashtu. Është gjithashtu një prodhues i madh i drithërave si misri dhe gruri.
Kriza e kostos së jetesës po shqetëson politikanët dhe ka ndezur paralajmërime për trazira sociale në të gjithë botën.

Mbretëria e Bashkuar do të dërgojë automjete të blinduara në Ukrainë për herë të parë si pjesë e një pakete të re ndihme ushtarake prej 100 milionë funtesh.

Sekretari i Mbrojtjes Ben Wallace i tha Sky News se ushtrisë ukrainase do t'i jepen automjete patrullimi të blinduara të rënda 'Mastiff', të cilat peshojnë 23 tonë dhe mbajnë tetë trupa plus dy ekuipazh.

Kuptohet se ata do të hiqen nga pajisjet e ndjeshme dhe mund të ndihmojnë ushtrinë ukrainase të kryejë operacione sulmuese pranë linjave ruse.

'Mastiff' është projektuar për t'i bërë ballë pajisjeve shpërthyese të improvizuara (IED) gjatë konfliktit në Afganistan.

Raketat anti-ajrore Starstreak, 800 raketa antitank, helmeta dhe syze për shikimin e natës do të përfshihen në ngarkesë, përveç 200,000 artikujve të shpërndarë tashmë, shkruan Sky News.

"Nuk do të ishte e përshtatshme" që aleatët perëndimorë të përmbushnin të gjitha kërkesat e Ukrainës për armatim, tha të premten kryeministri britanik.

Boris Johnson po fliste në një konferencë të përbashkët shtypi me kancelarin gjerman Olaf Scholz pas takimit të tyre të parë personal në Londër, disa orë pasi Berlini refuzoi të dërgonte tanke Marder në Ukrainë, duke argumentuar se Gjermanisë i duhen ato për nevojat e veta të mbrojtjes, shkruan Politico.

Mbretëria e Bashkuar do të dërgojë mbi 100 milionë £ pajisje ushtarake në Ukrainë, duke përfshirë më shumë raketa anti-ajrore Starstreak, dhe 800 raketa shtesë antitank dhe municione precize "të afta të qëndrojnë në qiell derisa të drejtohen në objektivin e tyre", tha Johnson. Paketa e re britanike përfshin gjithashtu helmeta, pajisje për shikim natën dhe forca të blinduara të trupit.

Megjithatë, Johnson tha se Perëndimi nuk do të jetë në gjendje të përmbushë të gjitha kërkesat për armatim të paraqitura nga Ukraina, sepse "nuk do të ishte e përshtatshme" që të furnizonte disa nga ato pajisje në Kiev.

I pyetur nëse Britania do të dërgonte tanket dhe mjetet e blinduara të veta në Kiev, Johnson u përgjigj: “Unë në parim jam i gatshëm të konsideroj çdo gjë me anë të armëve mbrojtëse për të ndihmuar ukrainasit të mbrojnë veten dhe popullin e tyre.

"Unë mendoj se është e rëndësishme që ne duhet të japim pajisje që janë vërtet të dobishme dhe janë të operueshme nga ukrainasit, kjo është konsiderata jonë," tha ai. “Mund të jetë më e dobishme të mbështeten ukrainasit duke i mbushur dhe duke i lejuar disa nga ish-vendet e Traktatit të Varshavës që të furnizojnë disa nga forca të blinduara të tyre në mënyrën që keni parë.”
Scholz ra dakord me Johnson, duke thënë se aleatët "duhet të shikojnë gjithmonë se çfarë mund të përdoret në mënyrë efektive".

“Fakti është se ne po përpiqemi të furnizojmë armë që janë të dobishme dhe mund të përdoren mirë. Sukseset që ushtria ukrainase ka arritur deri më tani tregojnë se këto janë armë veçanërisht efektive: armë antitank, armë kundërajrore, municione. ”

Scholz tha gjithashtu se kritikat e drejtuara ndaj presidentit francez Emmanuel Macron lidhur me dialogun e tij me presidentin rus Vladimir Putin ishin "të pajustifikuara" dhe shtoi se Macron "ka treguar angazhim të madh" për arritjen e paqes në Ukrainë.

Rusët po ndjejnë "presion të vetë-imponuar" për të arritur një lloj fitoreje deri më 9 maj, sipas dy zyrtarëve evropianë, shkruan CNN.

 9 maji është dita kur Rusia feston Ditën e Fitores mbi Gjermaninë në Luftën e Dytë Botërore.

Tradicionalisht Rusia e shënon festën me një paradë fitoreje ushtarake nëpër Sheshin e Kuq dhe një fjalim nga presidenti Vladimir Putin. Me një muaj larg nga festa, zyrtarët thonë se Rusia po rigrupohet dhe po zhvendos forcat e saj në Ukrainën juglindore, një qëllim shumë më i kufizuar sesa kapja e zonave të mëdha të vendit, me synimin për të arritur një lloj fitoreje rajonale.

"Konsolidimi dhe përpjekja që të paktën të kenë diçka për të folur është qartësisht në interesin e tyre," tha një zyrtar.

Zyrtari vuri në dukje se presioni i kohës mund t'i shtyjë forcat ruse të bëjnë gabime, të shoqëruara nga çështjet logjistike dhe problemet morale me të cilat ata tashmë përballen. 

Zyrtari i dytë evropian tha se një afat politik për luftën mund të çojë në një "katastrofë ushtarake si pasojë", shkruan më tej CNN.

Por kjo gjithashtu mund të çojë forcat ruse të kryejnë më shumë mizori, tha zyrtari i parë.

“Është eksportet e gazit dhe naftës që përbëjnë pjesën e luanit të të ardhurave të Rusisë dhe lejojnë udhëheqjen e saj të besojë në mosndëshkimin e saj”. 

Presidenti ukrainas Volodymyr Zelensky e tha këtë në një video-mesazh të ri në të cilin ai kujtoi se i kishte kërkuar Bashkimit Evropian të bllokonte importet e FAS dhe naftës ruse.

ukraine.jpg" style="height:521px; width:780px" />

Në Melitopol, një qytet në jug të Ukrainës, trupat pushtuese kanë bllokuar tetë autobusë për evakuim për një ditë. 

Zëvendëskryeministrja e vendit, Iryna Vereshchuk, e denoncon këtë në Facebook, shkruan Corriere. 

“Ka negociata për zhbllokimin e këtyre autobusëve në itinerarin e tyre, shkruan ajo, dhe, sipas marrëveshjeve, mund të bëhet edhe largimi i banorëve vendas”. 

Në orët e fundit në të njëjtin qytet, siç tha kryetari Ivan Fedorov, më shumë se njëqind persona janë rrëmbyer "pa arsye" nga forcat ruse.

Numri i të vdekurve nga sulmi me raketa që goditi një grup civilësh që u përpoqën të largoheshin me tren nga stacioni Kramatorsk në rajonin Donetsk të Ukrainës, rritet në të paktën 52 të vdekur. Autoritetet lokale konfirmojnë se mes tyre janë 5 fëmijë, shkruan La Repubblica.

Autoritetet në Odessa vendosën një shtetrrethim në fundjavë nga frika e sulmeve me raketa. Në një postim në Facebook, të cituar nga BBC, administrata ushtarake rajonale tha se shtetrrethimi do të jetë në fuqi nga ora 21:00 e së shtunës deri në orën 6 të mëngjesit të së hënës, sipas kohës lokale. 

Njoftimi vjen pas sulmeve me raketa në rajon mbrëmë, të cilat rezultuan në një numër të panjohur viktimash, sipas zëdhënësit rajonal Serhiy Bratchuk. Pavarësisht sulmeve, autoritetet ukrainase thonë se nuk kanë parë asnjë shenjë deri më tani se forcat ruse po përgatisin një operacion zbarkimi nga Deti i Zi, shkruan La Repubblica.

Gjenerali Alexander Dvornikov, një veteran i luftës në Siri, do të drejtojë ushtrinë ruse në Ukrainë me synimin për të arritur "disa sukses" para 9 majit. Dita në të cilën Rusia feston fitoren e Luftës së Dytë Botërore. Kjo është raportuar nga faqja e internetit The Kyiv Independent, duke cituar burime anonime perëndimore, citon Corriere.

Sekretari i Përgjithshëm i OKB-së, António Guterres, e gjykoi sulmin në stacionin Kramatorsk "të papranueshëm". Sipas një deklarate të zëdhënësit të tij, Stéphane Dujarric, sekretari i OKB-së u kujtoi palëve të përfshira në luftën në Ukrainë detyrimin e tyre për të mbrojtur popullsinë civile.

Ushtria ruse po rigrupohet në lindje të Ukrainës dhe planifikon të përparojë drejt qytetit të Kharkiv, i tha shefi i Inteligjencës së Mbrojtjes të Ukrainës, Christiane Amanpour të CNN të premten.

"Ata po rigrupohen drejt qytetit ukrainas të quajtur Izium nëpërmjet Belgorodit. Ata po lëvizin përmes Belgorodit. Ata marrin trupa shtesë në Belgorod për të kompensuar humbjet e tyre në Ukrainë," tha gjeneral-major Kyrylo Budanov, Shefi i Inteligjencës së Mbrojtjes së Ukrainës. 

"Ata planifikojnë të përparojnë drejt Kharkivit para së gjithave. Ata do të përpiqen të përfundojnë qytetin e Mariupolit dhe vetëm pas kësaj, ata mund të përpiqen të iniciojnë përparime drejt Kievit," tha ai.

Budanov u bëri thirrje aleatëve të Ukrainës që të ofrojnë mbështetje ushtarake "vërtet serioze" për ta ndihmuar atë të kundërshtojë ofensivën ruse. Ai tha se artileria e rëndë, sistemet e raketave anti-ajrore dhe avionët luftarakë nevojiteshin për t'u përdorur "kundër forcave tokësore ruse". 

“Ukraina ka nevojë për mbështetje vërtet serioze në armatimin e rëndë, dhe ne kemi nevojë për të jo nesër, ne kemi nevojë për të sot”, tha ai. 

Budanov tha se dobësitë e ushtrisë ruse u shfaqën në Ukrainë. Trupat ruse u “mundën” në rajonin e Kievit dhe përpjekjet e saj ushtarake u penguan nga logjistika, tha ai.  

Gjithsej 132 trupa të pajetë janë gjetur në qytetin ukrainas Makariv, ka raportuar uebfaqja e Ukrainska Pravda, duke cituar kryetarin e bashkisë së qytetit, shkruan BBC.

Duke folur në një fjalim televiziv të premten, Vadym Tokar tha: "Që nga dje, ne gërmuam 132 trupa të civilëve që u ekzekutuan nga orkët rusë".

Ai tha se shumica e trupave u gërmuan nga varret masive, por se disa u gjetën në rrugë.

Makariv është rreth 50 km (30 milje) në perëndim të Kievit dhe para luftës kishte një popullsi prej rreth 15,000 njerëz.

Tokar tha se luftimet në javët e fundit kishin parë që shifra të binte deri në 1,000 dhe se rreth 40% e Makariv ishte dëmtuar, me shumë ndërtesa që nuk mund të riparoheshin.

"Okupatorët shkatërruan pothuajse të gjithë infrastrukturën, bombarduan shtëpitë dhe ndërtesat e banimit, shkatërruan plotësisht spitalet dhe kopshtet e fëmijëve," tha ai.

Presidenti amerikan Joe Biden ka nënshkruar ligjin që ndalon importet e energjisë e naftës nga Rusia dhe një ligj që ndërpret marrëdhëniet normale tregtare me Moskën. Kjo është bërë e ditur nga Shtëpia e Bardhë në një shënim. Dy masat, me të cilat Shtetet e Bashkuara vazhdojnë të rrisin presionin ndaj Rusisë në përgjigje të pushtimit të Ukrainës, u miratuan dje nga Dhoma e Përfaqësuesve dhe Senati, shkruan La Repubblica.

Rusia po mbyll zyrat e 15 OJQ-ve perëndimore, duke përfshirë dy organizatat kryesore të të drejtave, Amnesty International dhe Human Rights Watch.

Ministria ruse e Drejtësisë tha se vendimi u mor për shkak të shkeljes së ligjeve ruse, pa dhënë detaje.

Drejtoresha e Amnesty International, Agnes Callamard, tha se ishte e fundit në një listë të gjatë organizatash që dënoheshin për thënien e të vërtetës autoriteteve ruse, shkruan BBC.

Ajo tha se Amnesty do të dyfishojë përpjekjet për të ekspozuar atë që ajo e përshkroi si "shkelje të rënda të të drejtave të njeriut brenda dhe jashtë vendit".

“Autoritetet gabohen thellësisht nëse besojnë se duke mbyllur zyrën tonë në Moskë do të ndalojnë punën tonë për dokumentimin dhe ekspozimin e shkeljeve të të drejtave të njeriut”, tha ajo.
Rusia forcoi ligjin e saj tashmë kufizues për median pasi pushtoi Ukrainën duke futur një ligj të ri që kërcënon të burgos këdo që Rusia mendon se ka përhapur lajme "të rreme" për forcat e armatosura.

Presidenti Joe Biden e ka quajtur sulmin ajror në një stacion treni në Kramatorsk të Ukrainës lindore "një tjetër mizori e tmerrshme e kryer nga Rusia".

Udhëheqësi amerikan tha se SHBA do të vazhdojë të dërgojë armë në Ukrainë dhe "së bashku me aleatët tanë" dhe do të mbështesë përpjekjet për të hetuar sulmin.

Kjo vjen pasi kompania shtetërore hekurudhore e Ukrainës tha se dy raketa ruse goditën stacionin hekurudhor në Kramatorsk më herët sot.

Të paktën 52 civilë ukrainas, përfshirë pesë fëmijë, kanë vdekur pas bombardimeve në stacionin hekurudhor, sipas zyrtarëve ukrainas.

87 të tjerë u plagosën, megjithëse zyrtarët vlerësojnë se numri i viktimave të konfirmuara do të vazhdojë të rritet.

Zyrtarët ukrainas kanë thënë se rreth 4,000 njerëz ishin në stacion, ku trenat po evakuonin civilët në perëndim nga qyteti i kontrolluar nga Ukraina përpara një ofensive të pritshme ruse.

Presidenti Volodymyr Zelensky dhe liderë të tjerë ukrainas kanë akuzuar ushtrinë ruse për shënjestrimin e qëllimshëm të një vendi ku ishin mbledhur vetëm civilët. 

Megjithatë, Ministria e Mbrojtjes e Rusisë mohoi çdo rol rus në sulm.

Gjithsej 6,665 njerëz u evakuuan nga qytetet e Ukrainës përmes korridoreve humanitare në 24 orët, tha zëvendëskryeministrja Iryna Vereshchuk.

Shifra, e cila është më shumë se 4676 që u larguan dje, vjen pasi sot u hapën 10 korridore humanitare për evakuimin e civilëve nga rajonet lindore të Donetsk, Luhansk dhe Zaporizhzhia.

Rusia pritet të intensifikojë fushatën e saj ushtarake për kontrollin e lindjes industriale të Ukrainës në ditët dhe javët në vijim dhe Ukraina i ka bërë thirrje NATO-s për më shumë armë për të ndihmuar në ndalimin e saj. 
 

Bashkimi Evropian ka miratuar një grup të ri sanksionesh kundër Rusisë dhe subjekteve që kanë lidhje me Kremlinin. Detajet u publikuan të premten, shkruan BBC.

Ato përfshijnë:

-Ngrijnë asetet dhe ndalohen udhëtimet për 216 individë , përfshirë dy vajzat e Vladimir Putinit, Ekhaterina Tikhonova , 37 dhe Maria Vorontsova, 37 vjeç

-Të prekur janë gjithashtu German Gref , kreu i Sberbank, banka më e madhe e Rusisë; prodhuesi i armëve dhe miliarderi Oleg Deripaska dhe zëdhënësi i ministrisë së mbrojtjes Igor Konashenkov

-Sanksione ndaj 18 firmave të tjera , duke përfshirë pesë nga bankat më të mëdha të Rusisë

-Ndalimi i importeve të qymyrit, veprimi i parë që BE ka ndërmarrë deri më tani kundër sektorit energjetik të Rusisë

-Ndalimi i importit të mallrave të tjera duke përfshirë dru, vodka dhe produkte kimike, vlerësohet të përbëjë të paktën 10% të të gjitha importeve nga Rusia

-Ndalimi i eksportit të mallrave duke përfshirë karburantin e avionit dhe pajisjet e transportit

-Një ndalim eksporti për teknologjitë, duke përfshirë kompjuterët kuantikë, gjysmëpërçuesit e avancuar dhe elektronikën e nivelit të lartë

-Ndalimi i anijeve ruse që përdorin portet e BE-së

-Ndalimi i kamionëve rusë dhe bjellorusisë që të hyjnë në territorin e BE-së, përveç nëse ato transportojnë produkte mjekësore, ushqime ose ndihmë humanitare

Kancelari austriak Karl Nehammer do të bëjë 'vizitë solidariteti' në Kiev më 9 prill. Ai planifikon të takohet me udhëheqjen e vendit dhe kryetarin e bashkisë së Kievit Vitali Klitschko dhe të shohë qytetin e Bucha, ku qindra civilë u vranë nga ushtria ruse.