Pushtimi i Ukrainës, OBSH vonon vlerësimin e vaksinës ruse të koronavirusit Sputnik V

Organizata Botërore e Shëndetësisë ka vonuar vlerësimin e saj të vaksinës ruse të koronavirusit Sputnik V për përdorim urgjent për shkak të pushtimit të Ukrainës nga Moska.

“Ne duhej të shkonim të bënim inspektime në Rusi më 7 mars, dhe këto inspektime u shtynë për një datë të mëvonshme”, tha Mariângela Simão, ndihmësdrejtoresha e përgjithshme e OBSH-së për Qasjen në Medikamente dhe Produkte Shëndetësore.

“Data të reja do të caktohen sa më shpejt që të jetë e mundur”.

Ajo tha se agjencia po përballej me probleme të tjera operacionale, duke përfshirë vështirësi në rezervimin e fluturimeve dhe përdorimin e kartave të kreditit.

Sputnik V përdoret gjerësisht në Rusi dhe është miratuar në më shumë se 60 vende.
 

Lajmi kryesor:

Zelensky: Çdo bombë ngre një mur me BE! Kievi: Marrëveshja me Rusinë e mundur brenda 10 ditëve! Mblidhet Këshilli i OKB-së: Të hetohet vrasja e civilëve në Ukrainë

G.B./Shqiptarja.com

TAG:
• ukraine
• Rusi
• rusia sulmon ukrainen