POP 5

Lajmet më të lexuara të 5 minutave të fundit

Kosova & Rajoni

Përjashtimi i Kurtit dhe kandidatëve të tjerë nga gara, Vetëvendosje dhe AAK ankohen sot në Gjykatën Supreme

Ditën e sotme Lëvizja Vetëvendosje dhe Aleanca për Ardhmërinë e Kosovës AAK do të dorëzojnë ankesë në Gjykatën Supreme ndaj vendimit të Panelit Zgjedhor për Ankesa e Parashtesa (PZAP) për moslejimin e kandidimit të disa kandidatëve, për shkak të problemeve me ligjin

Ditën e sotme Lëvizja Vetëvendosje dhe Aleanca për Ardhmërinë e Kosovës AAK do të dorëzojnë ankesë në Gjykatën Supreme ndaj vendimit të Panelit Zgjedhor për Ankesa e Parashtesa (PZAP) për moslejimin e kandidimit të disa kandidatëve, për shkak të problemeve me ligjin.  PZAP të martën ka vërtetuar vendimin e Komisionit Qendror të Zgjedhjeve (KQZ) për mos certifikimin e pesë kandidatëve për deputetë të Lëvizjes Vetëvendosje. Ditën e djeshme u bë e ditur se nuk lejohet kandidimi i kryetarit të Vetëvendosjes Albin Kurti dhe Albulena Haxhiu, Liburn Aliu, Bajram Mavriqi dhe Labinotë Demi-Murtezi.

Edhe disa deputetëve të Aleancës për Ardhmërinë e Kosovës nuk iu është lejuar kandidimi për deputetë në zgjedhjet e 14 shkurtit. Gjithashtu edhe Nisma ka probleme me kandidatët, të cilës nuk i janë certifikuar 13 kandidatë.

Kandidatët kanë marrë një dënim të formës së prerë në 3 vitet e fundit dhe në bazë të ligjit atyre nuk u lejohet të kandidojnë. 

Në bazë të ligjit të gjitha palët që nuk janë të kënaqura me vendimet e PZAP-së mund t’i drejtohen Gjykatës Supreme, brenda 24 orëve nga bërja publik i vendimit dhe Gjykata më pas ka afat 72 orë që t’i përgjigjet ankesave të paraqitura.

Zgjedhjet e parakohshme në Kosovë, do të mbahen më 14 Shkurt në një atmosferë politike tejet të trazuar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54