POP 5

Lajmet më të lexuara të 5 minutave të fundit

Sport

'Pyesni Da Silvën për dështimin e transferimit', Thomas Brdaric: I paqartë pse Vllaznia e ka merkaton të bllokuar

Skënderbeu dhe Vllaznia luajnë të diel në orën 16:30 në stadiumin e Korçës për raundin e 21-të në Superligën shqiptare të futbollit.

'Pyesni Da Silvën për dështimin e transferimit', Thomas Brdaric: I paqartë pse Vllaznia e ka merkaton të bllokuar

Thomas Brdaric

SHKODËR - Skënderbeu dhe Vllaznia luajnë të diel në orën 16:30 në stadiumin e Korçës për raundin e 21-të në Superligën shqiptare të futbollit. Në prag të ndeshjes për mediet foli trajneri i Vllaznisë, Thomas Brdaric. Ai u ndal te përballja, duke kërkuar që mos nënvlerësohet kundërshtari për shkak të pozicionit të klasifikim.

Vllaznia vijon ta ketë merkaton e bllokuar dhe trajneri është i paqartë për këtë zhvillim, pasi kërkon afrime të reja. Më pas Brdaric u ndal edhe te dështimi i transferimit të Da Silvës, ish-fantazistit që edhe më parë ka qenë në ekip. Mendohet se ai dështoi në testet mjekësore.

"Përballja në Korçë - Jemi munduar të përgatitemi për këtë sfidë të vështirë me Skënderbeun. Është ndeshja e tretë brenda një javë dhe ne e dimë që kushtet atmosferike në Korçë do të jenë të vështira.

Prandaj, na duhet të jemi sa më mirë fizikisht dhe të jemi të gatshëm, sepse Skënderbeu është një ekip mjaft i mirë fizikisht. Duhet të jemi vigjilentë që ta kapim këtë ndeshje që nga fillimi.

Nuk e nënvlerësojmë aspak Skënderbeun. Kemi luajtur dy herë këtë sezon me ta dhe e dimë ku i kanë pikat e forta, por përsëri na duhet të ndjekim mangësitë e tyre. Duhet të jemi sa më të disiplinuar dhe shumë të vëmendshëm.

Duhet t’i tregojmë çdo ekipi që jemi një grup i fortë dhe besojmë në çdo moment që ne do fitojmë ndeshjen. Ne do shkojmë në Korçë për të fituar dhe për të marrë tre pikët.

Lëndimet - Qato ka dëmtim pak të keq, do të mungojë nesër. Qato është mjaft i mirë, me eksperiencë. Këto gjëra duhet t’i anashkalojmë pak.

Merkato e bllokuar - Po diskutojmë për bllokimin e merkatos. Këto pika janë nivel tjetër, nuk është e qartë çfarë po ndodh në këtë rast, por shpresojmë sa më shpejt të zhbllokohet.

Dështimi i Da Silvës dhe merkato - Është i vetmi që duhet të pyesni se çfarë ndodhi dhe se çfarë shkoi keq. Jemi mikpritës për lojtarë që mund të vijnë, që mund të bëjnë diferencën në fushë, por në këto raste duhet pyetur ai.

Ne duam të rrisim sa më shumë lojtarë, e dimë që na duhen dhe lojtarë që mund të vijnë në ekip. Jemi këtu për t’i dhënë lojtarëve sa më shumë mundësi. Kemi lojtarë që kanë interes jashtë. Ne duam të rrisim lojtarë dhe çmimin e tyre, do jetë diçka me vlerë për ekipin dhe klubin. Nëse do ketë oferta, do mendojmë çfarë do jetë më e mira për ekipin. Ne duam të fitojmë dhe shkojmë për tre pikë", tha Thomas Brdaric.

Vllaznia me 34 pikë mban vendin e tretë, ndërsa korçarët me 16 pikë ndodhen në vend të fundit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Superkupa 'deh' Barcelonën, Getafe e ndal 1-1

Superkupa 'deh' Barcelonën, Getafe e ndal 1-1

18 Janar, 23:01