POP 5

Lajmet më të lexuara të 5 minutave të fundit

Bota

Qasja raciste e policisë së vendeve të BE-së mbetet e pa raportuar

Agjencia për të Drejtat Themelore e Bashkimit Evropian, FRA, tha se qasja raciste e policisë “është gjerësisht e nënraportuar në BE”. Në një raport të publikuar të mërkurën, agjencia me bazë në Vjenë tha se shumica e vendeve të BE-së “nuk kanë burime zyrtare të të dhënave për incidentet raciste dhe diskriminimin që përfshin policinë”.

Qasja raciste e policisë së vendeve të BE-së mbetet e pa raportuar

Policia në Vjenë

Agjencia për të Drejtat Themelore e Bashkimit Evropian, FRA, tha se qasja raciste e policisë “është gjerësisht e nënraportuar në BE”.

Në një raport të publikuar të mërkurën, agjencia me bazë në Vjenë tha se shumica e vendeve të BE-së “nuk kanë burime zyrtare të të dhënave për incidentet raciste dhe diskriminimin që përfshin policinë”.

Sipas raportit, vetëm disa vende i kanë regjistruar incidentet e racizmit policor veçmas.

Prej tyre, vetëm Gjermania, Republika Çeke dhe Holanda i publikojnë të dhënat.

Raporti bazohet në hulumtimet e mëparshme nga FRA-ja, që tregojnë se policia më së shpeshti ndalon të rinj, pakica etnike, myslimanë ose njerëz që nuk identifikohen si heteroseksualë.

“Numri i incidenteve të regjistruara të racizmit policor është shumë i ulët”, thuhet në raport.

“Kjo e bën të pamundur vlerësimin e çështjes”, sipas tij.

FRA tha po ashtu se, në vitet e fundit në BE, disa njerëz me prejardhje nga pakicat etnike janë qëlluar për vdekje “pas ndërveprimit me policinë”.

Raporti vuri në dukje se shumë vende evropiane kanë mbikëqyrës policorë, por se shumë prej tyre nuk janë të pavarur.

Ai u bëri thirrje vendeve që ta rrisin diversitetin në forcat policore.

Në vitin 2022, FRA-ja bëri një anketë mes njerëzve me origjinë afrikane, në 13 vende të BE-së, në lidhje me ndalimin nga policia.

Anketa gjeti se numri më i madh i njerëzve me origjinë afrikane të ndaluar, ishte në Austri, pastaj në Gjermani dhe Irlandë./ REL

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59