Pas 27-të vjetësh pështyme, baltë dhe akuza politike me vrasje, grabitje dhe korrupsion, po lemë pas një tjetër javë, me "lehje" politike për vetvlerësime, vetgjykime dhe vetflijime.
E përbashkëta e tyre: Duan të vetvlerësohen dhe të vetgjykohen.
Por kanë harruar se në demokracitë parlamentare moderne, "Roja", "Garanti" "Mbrojtësi" i të gjithëve është Shteti ligjor, i cili duhet të mbrohet në mënyrë të posaçme nga Gjyqësori, i pavarur nga Politika dhe i varur vetëm nga Ligji.
Ndaj çdo komb, shtet dhe shoqëri demokratike ka detyrimin kushtetues, që t'u japë mundësinë gjyqtarëve të mbajnë nën kontroll pushtetin e Parlamentit dhe të Qeverisë.
Thënë më thjesht me gjuhën e shqiptarit :
-Gjykimin politik Kuvendit dhe Qeverisë duhet ta bëj vetëm Populli me "shuplakat" e tij periodike.
-Gjykimin penal, civil dhe administrativ, deputetëve dhe qeveritarëve duhet ta bëj vetëm Gjykata.
Nëse Politika është e shqetësuar nga molepsja me krimin dhe korrupsionin, ajo ka vetëm një rrugë, të leh në stanin e vet, duke filluar vetingun partiak e rivlerësuar rregullat partiake mbi zgjedhjen, organizimin, drejtimin dhe përfaqësimin politik të partisë në organe qëndrore dhe vendore të qeverisjes.
Çdo lehje veting-u në stanin e tjetrit, nuk ka asnjë shans të ndalojë karvanin e vetingut të Gjyqësorit dhe të organeve të tjera, që duhet ta ndihmojnë atë në dhënien e pavarur të drejtësisë në Shqipëri.
Marrë nga faqja e Facebook-ut të Arben Isarajt
Komente
Lajme të tjera
-
Drejtues të PD takojnë raporteren Santos: Në Shqipëri ka mungesë të sundimit të ligjit! Vetingu, akt jetik për pastrimin e politikës
9 Nëntor 2021, 10:09 -
Dash Sula në ‘5 Pyetje nga Babaramo’: Mazhoranca nervoze nga vettingun në politikë! 'Foltorja'? Gabim i madh i Berishës, ‘gjyshi’ po gjuan me gurë lidershipin e PD-së
25 Tetor 2021, 21:59
Nejse po ishte per pune qensh njesoj jeni si majtas dhe djathtas, po puna eshte se ca jan qener te terbuar qe kan 27 vjet qe kafshojn e vdesin kete popull, e disa te tjere qene qe lehin te mbrojtur kocken qe ju jep padroni.. Perfundimi qeni ngelet qen!!
PërgjigjuMe demek i bie qe Luli eshte qe** ndaj leh ne stan te vet.
Përgjigju