Qese të mbushura me pula të ngordhura nga Fieri, si po ndotet lumi Buna

Shqipëria i është përgjigjur protestës nga Mali i Zi për ndotjen e madhe që po i shktohet lumit të Bunës.

Siç bëjnë me dije autoritet e Malit të Zi, janë mbi 100 qese, që brenda tyre ishin pula të ngordhur, çka ka bërë që të ngrihet alarmi për ndotjen e lumit Buna. Ndërkohë pala shqiptare gjatë gjithë ditës së sotme strukturat e Bashkisë së Shkodrës në bashkëpunim me strukturat përgjegjëse si Inspektoriati Shtetëror Veterinar, Agjencia e Zonave të Mbrojtura, Policia e Shtetit dhe Prefektura Shkodër, kanë vazhduar punën për evidentimin, groposjen dhe dezinfektimin e shpendëve të hedhur në lumin Buna nga persona të papërgjegjshëm.

Puna është përqendruar përgjatë bregut të Bunës nga Darragjati i Dajçit deri në Pulaj të Velipojës. Deri tani janë groposur rreth 100 shpend (pula) në shtatë vend- groposje.

Report Tv ka mundur të sigurojë edhe pamjet gjatë aksionit të pastrimit, ku shihet se pulat janë mbështjellur me një letër ku shkruhet Fabrika e Ushqimeve për Blegtorinë Driza. Ky subjekt rezulton të jetë një pulari në qytetin e Fierit. Por ende nuk dihet se si zogjtë e pulat që ishin futur në këto qese kanë përfunduar në lumin Buna.

Në lidhje me ndotjen e lumenjve dhe në veçanti me lumin Buna ka reaguar edhe ministri Blendi Klosi i cili ka thënë se personat përgjegjës do të mbajnë përgjegjësi deri në heqjen e lirisë.


 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnja përmbys 4-3 Vorën në 'Roza Haxhiu', ndryshon renditja në Kategorinë e Parë

Lushnja përmbys 4-3 Vorën në 'Roza Haxhiu', ndryshon renditja në Kategorinë e Parë