TIRANË - Së shpejti pranë ekzekutivit do të ngrihet një strukturë e re, e cila do të grumbullojë informacionet nga institucionet e sigurisë në vend dhe pas filtrimit, ato do t’i shpërndahen institucioneve te tjera.
 
Kjo u njoftua nga Zv/Ministri i jashtëm Sokol Dervishi, i cili tha se ngritja e kësaj hallke të re pranë Qeverisë është përfshirë në projektin e ri të Strategjisë së Sigurisë Kombëtare, që do të kalojë për shqyrtim dhe miratim në Kuvend.

“Rezulton që tek ne ka një boshllek në komunikimin dërinstitucional. Ka disa institucione të cilat kanë jo vetëm mbi vendosje po nuk kan backup apo nuk kanë mbështetje institucionale të specializuar për të përmbushur qellimet e tyre”, ka deklaruar Dervishi.
 
Sipas tij, “informacioni i institucioneve veqanerisht atyre që kanë të bëjnë me sigurinë kombëtare është i fragmentuar dhe është institucion i njëanshëm në kuptimin që secila prej palëve bën punën e sajë por në menyre të pavarur”.
 
“Ajo që ne duam të sjellim të re nëpërmjet këtij dokumënti i cili është një mekanizem i ri i cili të jetë në sherbim të të gjitha institucioneve që kanë pergjegjsi të drejtpërdrejta për sigurinë kombëtare në kupinim e nje strukture permanente”.
 
“Ne kemi në Shqipëri këshillin e Sigurisë Kombëtare, ju keni në parlament institucionet përkatese, komisionin dhe të sigurisë kombëtare. Pranë kryeministrit ekziston një komitet që merret me qeshtjen e sigurisë kombëtare por kto janë te gjitha në konceptin "ad hoc", tha Dervishi.
 
“Nuk janë një struktur permanente, ekzekutive me fuqi analitike në mënyre të informojë, të prodhojnë informacion të specializuar të prodhojn informacion të filtruar të kordinuar ne kuptimin të ballafaqimit të disa burimeve për të arritur në një konkluzion i cili më pas tju vihet në dispozicion institucioneve vendim marrëse për të marrë vendimet e duhura për tu dhënë atyre keshillat e duhura”, ka thënë zv/Ministri i jashtëm Sokol Dervishi, gjatë fjalës së tij në Komisionin e Jashtëm në Kuvend.


Redaksia online
(ar.sh/shqiptarja.com)