Qeveria e pafuqishme, serbët votojnë edhe për zgjedhjet lokale

Përkundër kundërshtimeve, zgjedhjet lokale serbe po mbahen ne Kosovë.
Ministri i Punëve të Brendshme Bajram Rexhepi konfirmoi se zgjedhjet lokale serbe po mbahen në veri, në Zveçan dhe Zubin Potok.

"Realisht, zotimi jonë ishte që nuk do të intervenojmë pa ndërkombëtarët kudo që mbahen zgjedhjet lokale. Ne e dimë që po votohet dhe ato në objekte të mbyllura dhe shtëpi private", shtoi Rexhepi.
Ai bazuar në raportet policore tha se në asnjë pjësë tjëtër të Kosovës, zgjedhjet lokale serbe nuk po mbahen, përpos veriut të Kosovës.

"Nuk ka incidente dhe është qetë kështu që këto nuk cojnë peshë. Ne jemi të kënaqur që po shkojnë cdo gjë në rregull. Policia është duke bërë incizimet e duhura" tha Rexhepi duke shtuar se Qeveria nuk është kënaqur që zgjedhjet po mbahen, por standardet evropiane duhet te respektohen. "Ata po mbajnë zgjdhje në shtëpi private dhe ato nuk janë valide"

Oliver Ivanoviç ishte në një qendër votimi dhe tha  se Qeveria e Serbisë pret zgjedhje të qeta në Kosovë e Metohi. Kosova në kushtetutën e Serbisë njihet me emrin "Kosovë dhe Metohi" që ndajnë fushën e Kosovës dhe rrafshin e dukagjinit.

"Është mirrë që OSBE po i organizon zgjedhjet. Askush s'mund të na e ndalojë që qytetarët serbë të zgjedhin udhëheësit e tyre. Serbia po zgjedh përfaqësuesit që do ta mbrojnë Kosovën si pjesë të Serbisë" tha Ivanoviç.

Serbet në të gjitha pikat e hapura nga OSBE po votojnë për zgjedhjet parlamentare e presidenciale, por zgjedhjet lokale po i mbajnë në shtëpi private.
Për sigurinë po kujdeset Policia e Kosovës, ndërsa në të gjitha vendvotimet janë të vendosur flamuj serbë.

/rg/shqiptarja.com/

TAG:
• OSBE