Qeveria, gati të shkelë
ligjin për borxhin publik
Qeveria shqiptare ka planifikuar rritjen e nivelit të borxhit publik në masën 63 për qind të Prodhimit të brendshëm Bruto, duke shkelur në këtë mënyrë kërkesën e ligjit nr. 9936, që ndalon kalimin e kufirit të 60 përqindëshit. Këtë e zbulon, pas një interviste me kryeministrin Sali Berisha, revista e specializuar ekonomike "BNE", që fokusohet në ekonomitë e vendeve ish-komuniste. (Në foto: Intervista eksluzive e Berishës për "bne")
Qeveria, pavarësisht se çfarë thuhet publikisht nga kryeministri apo kreu i Financave Bode, ka vendosur të rritë borxhin publik të vendit deri në 63 për qind të Prodhimit të Brendshëm Bruto (PBB) deri në fund të këtij viti. Këtë e zbulon, pas një interviste me kryeministrin Sali Berisha, revista e specializuar ekonomike "BNE", që fokusohet në ekonomitë e vendeve ish-komuniste. Sipas saj, "duke flakur tej rekomandimet, si të Fondit Monetar Ndërkombëtar, ashtu edhe të Bankës qendrore, kjo planifikohet të bëhet kryesisht për shkak të vazhdimit të financimit të programit të gjerë të ndërtimit të rrugëve".
Gazetari Tim Gosling ka konstatuar se Berisha nuk ka qenë i përgatitur t'i përgjigjej pyetjes se çfarë planesh ka qeveria përballë uljes së pashmangshme të nivelit të tregtisë dhe investimeve nga dy partnerët e mëdhenj të Shqipërisë, Greqia dhe Italia. Sipas kryeministrit, 65% e eksportit shqiptar shkon në këto dy vende dhe ky do të ishte një shqetësim, por, sipas tij, "nuk është aq serioz". Berisha ka deklaruar se eksportet janë rritur 22 për qind në shkallë vjetore në nëntë muajt e parë të vitit të kaluar, por ka shtuar se modeli ynë ekonomik nuk është kaq i fokusuar mbi rritjen e eksportit. Ai është treguar i bindur se do të gjejë investitorë për të mbuluar rënien e të ardhurave, si dhe ka përmendur shitjen e Albpetrolit, të katër HEC-eve dhe të kompanisë së sigurimeve INSIG si burim të ardhurash buxhetore.
Sipas "BNE", ka të tjerë në Shqipëri që mendojnë se qeveria ka një besim të tepruar në aftësinë e saj për të mbajtur status quo-në. "Rritja ekonomike në vend është financuar në 20 vitet e fundit nga borxhi në rritje ... remitancat dhe investimet e huaja direkte", ka thënë vitin e kaluar guvernatori i BSH Ardian Fullani, duke shprehur shqetësimin e tij se të gjitha këto burime fondesh duket sikur po thahen.
BorxhiKjo është hera e parë që zbulohet, madje me saktësi, tendenca e qeverisë për të rritur borxhin publik, ndërëkohë që publikisht flitet për uljen e tij. Por, kalimi i nivelit prej 60 përqindësh në raport me prodhimin e brendshëm të gjithë vendit për një vit (PBB) nga ana e shifrës së borxhit shkel një ligj, të miratuar nga parlamenti dhe të inicuar nga qeveria Berisha. Sipas nenit 58 "Kufijtë e borxhit publik", të ligjit nr. 9936 "Për menaxhimin e sistemit buxhetor në Republikën e Shqipërisë", miratuar në vitin 2008, "borxhi total publik, përfshirë garancitë, nuk duhet të tejkalojë limitin 60 për qind të produktit të brendshëm bruto".
Në fakt, për shkeljen e kësaj kerkese të këtij ligji nuk parashikohet asnjë lloj sanksioni.
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
53.8%
-
Jo
32.3%
-
Nuk e di
14%
Vota total: 1562
Votat totale janë unike
Lajme të tjera
-
Veliaj: Kongresi, përgatitje për fitoren e madhe të Edi Ramës dhe PS-së në 2025: Më e mira është përpara
28 Korrik, 22:49
-
Elbasan/ Burri plagosi me thikë ish gruan, arrestohet, 48 vjeçarja dërgohet në spital (EMRI)
28 Korrik, 22:45
-
Erdogan kërcënon Izraelin: Ashtu siç kemi hyrë në Karabak dhe Libi, do bëjmë të njëjtën gjë me ta
28 Korrik, 22:26
-
Pogradec/ Sherr me thika midis dy të miturve! 15 vjeçari përfundon në spital
28 Korrik, 22:20
-
Përplasja e bandave në Elbasan, C4 që do kishte shkaktuar masakër në treg! Çfarë rrëfeu shënjestra: Isha postieri, shënjestra…
28 Korrik, 22:11
-
Gjirokastër/ Zjarr në afërsi të një biznesi, dyshohet i qëllimshëm! Zjarrfikësit ndërhynë në kohë për të shuar vatrën
28 Korrik, 22:02
-
Skënder Minxhozi: Ta gëzosh qeverinë teknike, Doktor!
28 Korrik, 22:00
-
Trafik i rënduar në aksin Balldren-Milot! Radhë kilometrike automjetesh
28 Korrik, 21:56
-
Shtëpia e Bardhë fajëson Hezbollahun për sulmin 'e tmerrshëm' në Golan
28 Korrik, 21:55
-
Macron bisedë telefonike me Netanyahun: Dënon sulmin në Lartësitë e Golanit, por i kërkon të mos ketë përshkallëzim
28 Korrik, 21:46
-
Ndiheni të lodhur gjatë gjithë kohës, ja përse
28 Korrik, 21:34
-
Zgjedhjet presidenciale në Venezuelë/ Karrigia e Maduros në rrezik, kërcënon me 'luftë civile' nëse nuk zgjidhet
28 Korrik, 21:24