Qeveria greke nuk tërhiqet, nis
kërkimet për naftë në Himarë

ATHINE - Pavarësishte se çështja e kufirit detar me Greqinë ende nuk është zgjidhur, qeveria greke ka vendosur që ta vendosi zonën kufitare, në hartën e kërkimeve detare.

Konfirmimi ka ardhur pas një konference të mbajtur në Angli, nga zëvëndës ministri grek për energjinë Janis Manjatis, i cili pasi paraqiti hartën me zonat që janë parashikuar të fillojnë kërkimet, tha se "procedurat e tenderimit po ecin me ritme të kënaqshme dhe për këtë arsye janë një sërë kompanish ndër më të mëdhatë në botë, që kanë shfaqur interes."



Harta është kjo që kanë publikuar mediat helene, ku duket qartazi se zona e parë, është kufiri detar mes Greqisë dhe Shqipërisë, dhe më konkretisht në disa milje larg Himarës. Madje kjo konsiderohet edhe si fillimi i shtresës naftëmbajtëse të Patos-Marinzëz. Zona të tjera të pasura janë edhe ato në jug të kretës, ku kërkimet për gaz natyror janë parashikuar të fillojnë që gjatë këtyre muajve.

E ndërsa pala greke ka vendosur në zonën e parë kufirin me Shqipërinë, mes dy vendeve kufiri detar mbetet ende i pazgjidhur, madhe një marrëveshje e nënshkruar në fshehtësi nga qeveria "Berisha", u rrëzua nga Gjykata Kushtetuese si antiligjore.

Ndërkohë burime nga Ministria e Jashtme shqiptare , deklrojnë se palët janë në një proces negocimi, por janë ende larg larg arritjes së një marrëveshje.

Redaksia Online
(e.c/shqiptarja.com)