Qeveria letër Brukselit:
EULEX mision këshillues

TIRANE- Qeveria e Kosovës ia ka prezantuar Bashkimit Evropian pozicionin e saj lidhur me rishikimin strategjik të misionit të EULEX-it, duke i dhënë propozime edhe për kompetencat dhe funksionin që duhet të ketë misioni i ri, për kohën sa duhet të zgjasë mandati i tij, e madje edhe për emrin që duhet ta mbajë.

Propozimi i Qeverisë është që prania e re evropiane të quhet Misioni Këshillues për Rend dhe Ligj.

E përditshmja kosovare “Koha Ditore” ka siguruar dokumentin tetëfaqësh, që i është dërguar Brukselit zyrtar në janar. Nëpërmjet tij, institucionet e Kosovës vlerësojnë se situata në vend ka ndryshuar në vitet e fundit dhe se tashmë ekziston një realitet i ri sa i përket fushës së sundimit të ligjit.

Institucionet kanë shprehur gatishmërinë e tyre për të marrë përsipër kompetencat për kryerjen e detyrave, të cilat kanë qenë nën mandatin e tanishëm të EULEX-it.

Redaksia online 
(kohaditore/sg/shqiptarja.com)