POP 5

Lajmet më të lexuara të 5 minutave të fundit

Politikë

Qeveria miraton pjesëmarrjen e personelit të Forcave të Armatosura në operacionin e NATO-s në detin Mesdhe

Qeveria miratoi sot pjesëmarrjen e personelit të Forcave të Armatosura të Republikës së Shqipërisë në operacionin e NATO-s “FOCOPS”, në detin  Mesdhe

Qeveria miraton pjesëmarrjen e personelit të Forcave të Armatosura në operacionin e NATO-s në detin Mesdhe

Foto ilustruese

Qeveria miratoi sot pjesëmarrjen e personelit të Forcave të Armatosura të Republikës së Shqipërisë në operacionin e NATO-s “FOCOPS”, në detin  Mesdhe.

Me propozimin e ministrit të Mbrojtjes, Këshilli i Ministrave vendosi: Dërgimin me mision të 1 anijeje të klasit “Iliria”, e përbërë nga 21 efektivë të Forcave të Armatosura të Republikës së Shqipërisë në operacionin e NATO-s “FOCOPS”, në detin Mesdhe.

Misioni i anijes është kryerja e patrullimit detar në përbërje të grupit të gatshëm të anijeve të NATO-s, Standing NATO Maritime Group-2 (SNMG2), në pjesën lindore të Mesdheut, në kuadër të operacionit të NATO-s “FOCOPS”, në detin Mesdhe.

Sipas këtij vendimi, komandimi operacional i anijes gjatë periudhës së angazhimit në operacion kryhet nga komandanti i grupit të gatshëm të anijeve të NATO-s, SNMG2. Për çdo rast, anija ruan varësinë në nivelin kombëtar, duke raportuar në mënyrë periodike për mbarëvajtjen e operacionit.

Kohëzgjatja e këtij misioni është deri në 21 ditë, afat i cili fillon të llogaritet nga data e dërgimit të anijes në operacion.

Ministria e Mbrojtjes përballon shpenzimet për personelin pjesëmarrës në këtë operacion dhe për anijen, për: dieta për ditët e qëndrimit, në masën 12 000 lekë në ditë, përveç pagës mujore; sigurimin e jetës; ushqim; sigurimin e anijes; sigurimin e pajisjeve të komunikimit të sigurt me NATO-n; siguracion shëndetësor jashtë zonës së operacionit; siguracion shëndetësor për ditët e udhëtimit; transport; mbështetje shëndetësore; shpenzime për telefon, internet dhe shërbime postare;karburant, lubrifikante;  transportimin e individëve të shkëputur nga misioni për në atdhe në rast vdekjeje, sëmundjeje ose thyerjeje disipline;riparimin e nivelit II, pas kthimit të anijes nga misioni; taksa portuale dhe shërbime portuale; aktivitete social-kulturore në rastet e festave kombëtare gjatë kohës së kryerjes së misionit; çdo shpenzim tjetër për mbarëvajtjen e kryerjes së operacionit.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29