POP 5

Lajmet më të lexuara të 5 minutave të fundit

Ekonomi

Qeveria miraton vendimin: Ndalohet importi i makinave mbi 10 vjet të përdorura

Mjetet e reja që do të hyjnë duhet të përmbushin normën Euro 5, si për makinat ashtu dhe kamionët, ndërsa autoveturat e përdorura, që përmbushin normën Euro 4, duhet të jenë prodhuar jo më shumë se 10 vjet para datës së regjistrimit të parë në Shqipëri.

Këshilli i Ministrave ka miratuar sot vendimin që ndalon importin e automjeteve që janë të përdorura më shumë se 10 vjet, i cili hyn në fuqi 30 ditë pas miratimit në Fletoren Zyrtare. Mjetet e reja që do të hyjnë duhet të përmbushin normën Euro 5, si për makinat ashtu dhe kamionët, ndërsa autoveturat e përdorura, që përmbushin normën Euro 4, duhet të jenë prodhuar jo më shumë se 10 vjet para datës së regjistrimit të parë në Shqipëri.

Në raport me draft vendimin, është lënë më shumë kohë për regjistrimin e automjeteve që tashmë kanë hyrë në Shqipëri dhe janë të përdorura mbi 10 vjet. Tashmë afati i fundit është 1 marsi 2019 dhe jo 31 dhjetori 2018. Sipas vendimit, lejohen të regjistrohen për herë të parë për qarkullim në territorin e Republikës së Shqipërisë, mjetet motorike dhe automjetet, të cilat plotësojnë kushtet e mëposhtme:

Autoveturat e reja me zero km dhe që nuk janë regjistruar më parë për qarkullim në asnjë shtet tjetër, të cilat përmbushin normën EURO 5, të Bashkimit Evropian; Mjetet motorike të tjera të reja si motorë, autobusë, kamionë të kategorive M2 dhe N1, me zero km dhe që nuk janë regjistruar më parë për qarkullim në asnjë shtet tjetër, të cilat përmbushin normën EURO 5, të Bashkimit Evropian;

Autoveturat e përdorura (të gjitha ato që nuk janë me zero km dhe që janë regjistruar më parë për qarkullim në rrugë në një shtet tjetër, të cilat përmbushin normën EURO 4) duhet të jenë prodhuar jo me shumë se 10 vjet para datës së regjistrimit të parë në Shqipëri;

ç) Mjetet motorike të tjera të përdorura si motorë, autobusë, kamionë, të kategorive M2 dhe N1, (të gjitha ato që nuk janë me zero km dhe që janë regjistruar më parë për qarkullim në rrugë në një shtet tjetër, të cilat përmbushin normën EURO 3) duhet të jenë prodhuar jo më shumë se 15 vjet para datës së regjistrimit të parë në Shqipëri.

Vendimi përcakton se automjetet të cilat kanë hyrë në territorin shqiptar para hyrjes në fuqi të këtij vendimi, por nuk kanë përfunduar procedurat e regjistrimit, kanë afat deri në    1 mars 2019, për kryerjen e procedurave të nevojshme.

Ky vendim nuk zbatohet për importin e:

Automjeteve të hershme me interes historik dhe koleksionimi, siç janë:

automjetet e prodhuara deri në dhjetor 1970;
automjetet e prezantuara si model i prodhimit deri më 31 dhjetor 1970, pavarësisht vitit aktual të prodhimit të një automjeti të veçantë;
automjetet, të cilat paraqesin vlera teknike muzeale apo kulturore, trashëgimi tradicionale dhe sociale.
b) Mjeteve motorike, të cilat janë të importuara nga subjekte fizike e juridike, me qëllim ndihmën humanitare, në përputhje me legjislacionin kombëtar që rregullon donacionet dhe ndihmat humanitare.

(kliko këtu për të lexuar vendimin e Qeveris për ndalimin e makinave 10 vjet të përdorura)

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xxx: 27/10/2018 11:22

    Nuk ka ndotje ambjenti nga makinat para 2010 sipas specialisteve te pa afte mbyllni dhe serviset per riparimin e motorreve dhe makinat e reja do ndotin ambjentin kur mos riparohet motorri

    Përgjigju
  • xXx: 27/10/2018 10:15

    Nuk e kane makinat fajin per ndotjen ne Shqiperi,por e ka nafta qe e keni "ju" monopol.Edhe e 2018-es te jete makina me ate cilesi nafte qe eshte aty ndot si makine e 78-es...

    Përgjigju
  • Qytetari: 27/10/2018 09:53

    Vendim shume i drejte, qe i bie ndesh matrapazave qe marrin makina jashte cdo standarti dhe viteve 2000 - 2005 dhe vijne ne shqiperi duke i lyer e zbukuruar, ulur kilometrat dhe duke i shitur me pretendimin qe i kane patur ne perdorim te moshuarit dhe nuk jane perdorur shume, e duke i shitur me nga 5000 euro e lart. Te pakten me kete vendim do regullohet cmimi i tregut te makinave brenda 10 viteve qe deri me sot ka qene i paprekshem.

    Përgjigju
  • toni: 27/10/2018 09:47

    o komentusa leshi.. ndalohet importi jo blerja e makinave te vjetra. po shyqyr qe e ndalin se po bohet grumbullim plehrash ky vend... tregu jone i mbrendshem ka aq shume makina te vjetra sa do tju mjaftonin dhe per nja 10 vjet te tjera.

    Përgjigju
  • adi: 27/10/2018 00:23

    mir o rama se keshtu si po e ben do na lesh ne kem. po hajde se ske per te mar me vota

    Përgjigju
  • Vlorë: 26/10/2018 21:47

    Bravo qeveria e leshit.. Po sjan të gjithe njerëzit Vangjush Dako që. Të blejnë makina të 2011

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Militantë të Berishës protestojnë kundër Ramës në Londër (VIDEO)

Militantë të Berishës protestojnë kundër Ramës në Londër (VIDEO)

24 Nëntor, 12:59