TIRANE- Ndonëse shumë optimiste me të ardhurat, Qeveria duket se do vazhdojë “dietën” kur vjen fjala te shpenzimet deri në vitin 2018, duke mbajtur të ngrira pagat, pensionet, dëmshpërblimet për të përndjekurit, por edhe pagesat për të papunët apo familjet në nevojë. Në parashikimet buxhetore për vitet 2016-2018, të miratuara nga Qeveria bashkë me buxhetin e vitit të ardhshëm, vërehet se shpenzimet për pagat e punonjësve të administratës do të jenë në tre vitet e ardhshme më të ulëta se ato të vitit 2015, ndërkohë që gjatë tre viteve nuk parashikohet fond shtesë për politika të reja pensionesh.