POP 5

Lajmet më të lexuara të 5 minutave të fundit

Ekonomi

Qeveria në dietë deri në 2019
ngrijnë pagat dhe pensionet 

Deri në vitin 2019, Qeveria nuk ka parashikuar asnjë fond për politika të reja pensionesh, ndërkohe që fonde minimale janë përcaktuar për rritjen e pagave të administratës. Sipas kuadrit ekonomik afatmesëm, të sapo publikuar nga Qeveria, të njëjtin fat do kenë edhe shpenzimet kapitale, të cilat do të vazhdojnë të mbeten të ulëta, me përjashtim të vitit zgjedhor 2017.  VIDEO
Duket se Qeveria do të jetë në dietë deri në vitin 2019. Në tre vitet e ardhshme parashikohen rritje minimale pensionesh e pagash, ndërkohë që të njëjtin fat do kenë edhe shpenzimet kapitale, të cilat do të vazhdojnë të mbeten të ulëta, me përjashtim të vitit zgjedhor 2017. Këshilli i Ministrave ka publikuar kuadrin ekonomik e fiskal për periudhën 2017-2019, me parashikimet afatmesme të të ardhurave e shpenzimeve. 

Nga tabelat bie në sy se në zërin politika të reja pensionesh Qeveria nuk ka parashikuar asnjë rritje për vitet 2017-2018. Vetëm për vitin 2019 është parashikuar për këtë qëllim një fond prej 1.4 miliardë lekësh, afërisht 12 milionë dollar.
 
Ndërkohë që modeste janë parashikimet edhe për politikat e reja për pagat e administratës publike. Në vitin 2017 është parashikuar për këtë qëllim një fond prej 1 miliardë lekësh, i cili në vitin 2018 do të rritet në 1.5 miliardë lekë dhe 2 miliardë lekë në 2019. 

Ajo që bie në sy është rritja e dukshme me rreth 4 miliardë lekë e shpenzimeve kapitale në vitin zgjedhor 2017, për t’u rritur me vetëm 1 miliardë në vitin 2018. Rritje modeste është parashikuar edhe kur vjen fjala te investimet publike, të cilat do të rriten me vetëm 2 miliardë lekë, nuk do shënojnë thuajse asnjë rritje në 2018, dhe do shtohen me 5 miliardë lekë në 2019.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59