POP 5

Lajmet më të lexuara të 5 minutave të fundit

Ekonomi

Qeveria nxjerr në shitje 113 milionë euro letra me vlerë

Në dy ankande, që do të zhvillohen gjatë ditëve të kësaj jave, qeveria shqiptare do të rritë borxhin e saj të brendshëm me një shumë, të konvertuar në mbi 113 milionë euro.
Qeveria nxjerr në shitje 113 milionë euro letra me vlerë
TIRANE- Në dy ankande, që do të zhvillohen gjatë ditëve të kësaj jave, qeveria shqiptare do të rritë borxhin e saj të brendshëm me një shumë, të konvertuar në mbi 113 milionë euro. Ministria e Financave njoftoi se nesër, më 15 maj, do të zhvillohet ankandi i bonove të Thesarit 6-mujore dhe 12-mujore në Bankën e Shqipërisë. Shuma e përgjithshme e shpallur e bonove me afat gjashtëmujor maturimi është 5.2 miliardë lekë, ndërsa e atyre njëvjeçare, 8.1 miliardë lekë. Po kështu, ditën e enjte, datë 17 maj, do të zhvillohet ankandi i obligacioneve 2-vjeçare me shumë të përgjithshme të shpallur 2.5 miliardë lekë. Në total, janë 15.8 miliardë lekë të reja, që do të “pasurojnë” arkën e shtetit brenda pak ditëve.

Norma e interesit të letrave me vlerë të qeverisë ka shënuar një rekord të ri javën e kaluar, me 9.6 për qind në vit për obligacionet me afat 5-vjeçar maturimi, që janë shitur në Bankën e Shqipërisë për llogari të ministrisë së Financave. Kjo është një shifër rekord, që flet për rritje të ndjeshme të kostos së borxhit publik, si pasojë e rritjes së kërkesës së qeverisë për borxh të brendshëm dhe, nga ana tjetër, pakësimit të pjesëmarrjes së bankave të nivelit të dytë në ankandet e bonove dhe obligacioneve, si pasojë e politikës së tyre më të matur lidhur me blerjen e letrave me vlerë të qeverisë shqiptare.

Me këtë kosto, për çdo 10 lekë që merren borxh, qeveria është e detyruar të paguajë gati 1 lek. Rritja e kostos së borxhit, që pasqyrohet në rritjen e interesit për bono dhe obligacione, vjen nga ulja e pjesëmarrjes së bankave të nivelit të dytë në ankande, por edhe nga kërkesa gjithnjë e në rritje për borxh të brendshëm nga ministria e Financave, të cilës po i pakësohen burimet e të ardhurave tatimore e doganore.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57