POP 5

Lajmet më të lexuara të 5 minutave të fundit

Ekonomi

Qeveria paguan faturat e CEZ
Buxhetit i ikin 80 mln euro

EKSKLUZIVE/ Qeveria shqiptare do të paguajë të gjitha detyrimet që subjektet shtetërore kanë ndaj kompanisë CEZ. Bëhet fjalë për një shumë prej 80 milion eurosh, të cilat do të dalin nga arka e shtetit, e që ishin planifikuar për të blerë energji elektrike.
Qeveria paguan faturat e CEZ<br />Buxhetit i ikin 80 mln euro
TIRANË - Qeveria njoftoi sot se më datë 28 shkurt 2012 është lidhur një marrëveshje midis disa ministrive kryesore, KESH-it, OST-së dhe CEZ Shpërndarje, për fillimin e procedurave të likuidimit të detyrimeve që subjektet me pronësi shtetin shqiptar i kanë kompanisë çeke të shpërndarjes së energjisë elektrike në vend.

Në marrëveshje thuhet se, duke marrë parasysh që disa institucione buxhetore dhe jobuxhetore kanë detyrime financiare të paekzekutuara/palikuiduara ndaj shoqërisë “CEZ shpërndarje” sh.a., ndërkohë që “CEZ shpërndarje” sh.a., nga ana e vet, ka detyrime financiare të paekzekutuara/palikuiduara ndaj KESH sh.a., dhe OST sh.a, palët bien dakord që të shuajnë me kompensim detyrimet e ndërsjella ndërmjet institucioneve dhe shoqërive tregtare të përmendura në këtë marrëveshje, pasi të jetë realizuar rakordimi i plotë i detyrimeve ndërmjet palëve të interesuara.

Palët kanë rënë dakord që të shuhen me kompensim të gjitha detyrimet e lindura deri në datën 31.12.2011. Detyrimet që lindin pas kësaj date apo pagesat për detyrime që maturohen pas kësaj date, nuk janë pjesë e kësaj marrëveshjeje.
Në marrëveshje caktohet si afat përfundimtar për realizimin nga palët të aktrakordimeve dhe saktësimin e detyrimeve financiare të papaguara dhe ose të paguara me vonesë që rezultojnë deri më datë 31.12.2011, fundi i muajit prill 2012 ose një datë e rënë dakord midis ministrisë së Financave dhe “CEZ Shpërndarje”.

Nga ana e vet, edhe “CEZ shpërndarje” ka rënë dakord t’i parapaguajë KESH sh.a. dhe OST sh.a., shumën totale prej 4 miliardë lekësh, e barabartë me 28.5 milionë euro. Kjo shumë përfaqëson pagimin e një pjese të detyrimit të “CEZ shpërndarje” ndaj KESH dhe OST.


(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ Spektakël nga Xherdan Shaqiri, shënon tre gola dhe i jep kreun Baselit në limite

VIDEO/ Spektakël nga Xherdan Shaqiri, shënon tre gola dhe i jep kreun Baselit në limite

24 Nëntor, 21:13