POP 5

Lajmet më të lexuara të 5 minutave të fundit

Ekonomi

Qeveria prapëson lejet e ndërtimit
ndërtuesit do bëjnë kërkesë të re

Të gjitha ato leje ndërtimi, që janë dhënë nga organet përkatëse para hyrjes në fuqi të ligjit të ri për planifikimin e territorit do t'u nënshtrohen edhe një herë procedurave të lejes së shfrytëzimit apo të ndërtimit
Qeveria prapëson lejet e ndërtimit<br />ndërtuesit do bëjnë kërkesë të re
TIRANE- Ndërtuesit, që nuk kanë realizuar ende projektet në bazë të lejeve të marra para se të ndryshonte ligji për rregullimin e territorit, do të bëjnë një kërkesë të dytë, për leje ndërtimi apo leje shfrytëzimi, që edhe mund të refuzohet. Ky është thelbi i një Vendimi të Këshillit të Ministrave, që është marrë më 22 shkurt të këtij viti, jashtë mbledhjeve të rregullta të qeverisë, dhe që ka hyrë dje në fuqi, pas publikimit në Fletoren Zyrtare të rradhës.
RISHIKIMI
Vendimi bën disa shtesa në rregulloren uniforme të kontrollit të zhvillimit të territorit, miratuar me vendim të Këshillit të Ministrave, duke përcaktuar se, në rastet kur, para fillimit me efekte të plota të ligjit nr. 10 119, datë 23.4.2009 "Për planifikimin e territorit", në bazë të vendimeve të KRRTRSH-së, është miratuar nga organet përkatëse, destinacioni i sheshit të ndërtimit dhe kondicionet urbane të tij, subjektet do të aplikojnë për leje zhvillimi dhe, kur është e nevojshme, edhe për leje ndërtimi.
Subjektet e pajisura me leje ndërtimi për struktura me lartësi mbi 60 metra që para ligjit në fjalë, duhet të aplikojnë për rishikimin e kushteve të lejeve të miratuara, në bazë të një kërkese të arsyetuar. Ndërkohë, lejet e ndërtimit të miratuara nga KRRT-të, por ende të pazbardhura, do të vijojnë procedurën e zbardhjes së vendimit sipas formularit të lejes.
AFATI
Për lejet e ndërtimit, të miratuara para ligjit të planidikimit të territorit, të cilave u ka mbaruar afati apo janë në përfundim të afatit, mund të kërkohet, nga njësitë vendore, vetëm zgjatje e afatit të lejes, për një periudhë jo më të gjatë se afati i miratuar me lejen e dhënë dhe jo më shumë se një herë. Në asnjë rast nuk duhet të ketë ndryshime të projektit të miratuar.
ZBATUESI
Për lejet e ndërtimit të miratuara para ligjit, mund të zëvendësohet, jo më shumë se një herë, subjekti ndërtues, me kërkesë të investitorit, por në asnjë rast nuk duhet të ketë ndryshime të projektit të miratuar më parë.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Zelensky kërkon më shumë sisteme për mbrojtjen ajrore në Ukrainë

Zelensky kërkon më shumë sisteme për mbrojtjen ajrore në Ukrainë

24 Nëntor, 15:22