'Rama 3', 5 emrat e rinj në kabinet qeveritar, 10 të rikonfirmuarit dhe 6 të ‘pushuarit’! E vetmja e rikthyer Mirela Kumbaro! Shkrihet një ministri, shtohen 2 të reja

Kabineti qeveritar i ri i kryeministrit Edi Rama ka emra të rinj, të rikthyer, të rikonfirmuar dhe të "pushuar". Erion Braçe, Etilda Gjonaj, Anila Denaj, Pandeli Majko, Eduard Shalsi, Blendi Klosi janë ministrat e “pushuar”, të cilët nuk janë rikonfirmuar për të vijuar drejtimin e ministrive përkatëse në mandin e 3. Ministria e Shtetit për Diasporën që drejtohej nga Pandeli Majko është shkrirë, ndërsa janë shtuar 2 të reja, ministria e Shtetit për Rininë dhe Fëmijët me në krye Bora Muzhaqin dhe ministria e Shtetit për Standardet e Shërbimeve që do drejtohet nga Milva Ekonomi.

10 të rikonfirmuarit janë:

• Zëvendëskryeministër Arben Ahmetaj- ishte ministër Rindërtimi
• Ministre e Punëve të Jashtme Olta Xhacka- mbate të njëjtin post
• Ministër i Mbrojtjes Niko Peleshi- mbante të njëjtin post
• Ministër i Brendshëm Bledi Çuçi- mbante të njëjtin post
• Ministre e Infrastrukturës Belinda Balluku- në të njëjtin post
• Ministre e Shëndetësisë Ogerta Manastirliu-në të njëjtin post
• Ministre e Arsimit dhe Sportit Evis Kushi-në të njëjtin post
• Ministre e Kulturës Elva Margariti- në të njëjtin post
• Elisa Spiropali për marrëdhëniet me parlamentin- ishte ministre për Marrëdhëniet me Parlamentin
• Milva Ekonomi, ministre shteti per standardet e shërbimeve- ishte ministre Bujqësie

Emrat e rinj në kabinet:

• Delina Ibrahimi-Ministre e Ekonomisë dhe Financës
• Ulsi Manja -Ministër i Drejtësisë
• Frida Krifca- Ministre e Bujqësisë
• Edona Bilalli ministre shteti për Sipërmarrjen
• Bora Muzhaqi ministre Shteti për Rininë dhe Fëmijët

Të larguarit nga kabineti:

• Blendi Klosi largohet nga posti i ministrit të Turizmit
• Anila Denaj largohet nga posti i ministers së Financave
• Pandeli Majko- ikën pasi reduktohet ministria e shtetit për Diasporën
• Erion Braçe-ishte zv kryeministër
• Etilda Gjonaj-ministre drejtësie
• Eduard Shalsi- ish-ministër shteti për Sipërmarrjen

E rikthyera e vetme në qeveri është Mirela Kumbaro, si Ministre e Mjedisit dhe Turizmit. Më herët ka drejtuar ministrinë e Kulturës. Në qeverinë "Rama 3" bien në sy emra të rinj, ka disa dikastere që nuk ndryshuan dhe prezenca e shtuar e grave në postet ministrore. I papritur ishte dhe largimi i Braçes të cilit iu përmend emri nga kryeministri Edi Rama vetëm si kandidat për kryesinë e partisë, megjithëse ishte vetë ai që e paralajmëroi disa ditë më parë që nuk do të ketë poste të rëndësishme në qeveri.

Lajmi kryesor:

Qeveria 'Rama 3', shumë konfirmime por edhe emra të rinj, 12 gra e 5 burra! Lindita Nikolla në krye të Kuvendit! Ekipi i ri drejtues i PS, Gjiknuri i 'merr vendin' Ballës si numri 2!

TAG:
• edi rama
• asambleja e PS
• mandati i 3 i ps emrat