POP 5

Lajmet më të lexuara të 5 minutave të fundit

Politikë

Qeveria shpall gjendjen e emergjencës energjetike deri më 15 prill 2022: KESH, OST dhe OSHEE të pezullojnë investimet

Në vendimin e Këshillit të Ministrave thuhet se gjendja e emergjencës do të zgjasë deri në 15 prill 2022, kur është edhe periudha që pritet të kulmojë kriza energjetike. Po ashtu menjëherë pas hyrjes së fuqi të vendimit do të pezullohen të gjitha planet e investimeve të KESH-it, OST-së dhe të OSHEE-së, përveç investimeve të domosdoshme për ushtrimin e veprimtarisë.

Qeveria shpalli të premten gjendjen e emergjencës në furnizimin me energji elektrike, pas krizës globale. Në vendimin e këshillit të ministrave thuhet se gjendja e emergjencës do të zgjasë deri në 15 prill 2022, kur është edhe periudha që pritet të kulmojë kriza energjetike.

Qeveria njofton ngritjen e një grupi ndërinstitucional për menaxhimin e emergjencës që drejtohet nga Zëvendëskryeministri dhe ka në përbërje ministrin e Infrastrukturës dhe Energjisë, ministrin e Financave dhe Ekonomisë dhe çdo përfaqësues nga institucione të tjera, që vlerësohen të nevojshëm nga Zëvendëskryeministri.

Vendimi është botuar menjëherë në fletoren zyrtare, dhe nga ky moment pezullohen të gjitha planet e investimeve të KESH-it, OST-së dhe të OSHEE-së, përveç investimeve të domosdoshme për ushtrimin e veprimtarisë.

Sipas vendimit këto shoqëri duhet të koordinojnë ushtrimin e aktivitetit, në përputhje me udhëzimet e ministrit të Infrastrukturës dhe Energjisë, me qëllim garantimin e pandërprerë të energjisë elektrike.

Nga ana tjetër në mënyrë që të shmanget rritja e menjëhershme faturës së energjisë si pasojë e importit, është ngarkuar Ministria e Financave që të sigurojë mekanizmat e duhur financiarë, me qëllim mundësimin e importit të energjisë për sigurimin e furnizimit të pandërprerë të energjisë elektrike.

Nëpërmjet këtij vendimi Ministria e Financave duhet të siguroj fondet e nevojshme për të blerë energji nga jashtë, dhe për të garantuar buxhetin e domosdoshëm, ministria mund të bëj alokime fondesh, mund të shkurtoj shpenzimet në institucionet apo mund të pezulloj shpenzimet e parashikuara për projekte të ndryshme, që nuk konsiderohen prioritare. Opsioni tjetër i ministrisë është edhe marrja e kredive nga partnerët ndërkombëtar.

Vendimi i qeverisë per shpalljen e emergjencës për energjinë

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 09/10/2021 02:19

    Ketu ne U.S.,ne shtetin ku jetoj,energjia kushton me shtrenjte ne dimer,flas vetem per elektricitetin,jo ngrohjen.Ne dimer shkon mbi 100 $/muaj,ne vere 30-60$/muaj.Shteti ben diferencime ne pagesa dhe per kete bashkpunon me adm.e Soc.Sic.nga merr te dhenat per te ardhurat e familjeve.Kush eshte i varfer paguan me pak.Sa per panelet diellore,ato kane filluar te perhapen, por kushtojne shume,ne mos gaboj rreth 20.000 $,por te bejne ulje po te mblidhen disa komshij dhe vendosin,le te themi si rruge,ose komshillek,t'i vene bashke ne te njejten kohe.

    Përgjigju
  • Lui: 08/10/2021 13:40

    E kam shkruar dhe e perseris. Qeveria edhe pse eshte me vonese, duhet te subvencionoje cdo subjekt familjar apo edhe biznes qe deshiron te investoje ne panele fotovoltaike per prodhim energjie per perdorim vetjak. Dhe cdo teprice kw/h qe do kete le ta he dhene rrjet dhe OSSHE ta perdore per nevojat e veta. Edhe kur nuk ka teprica, te gjithe ata subjekte qe kane panele fotovoltaike dhe e prodhojne vete energjine, do jene nje barre me pak per KESH dhe OSSHE. Dhe cdo kw/h qe prodhohet nga hidrocentralet apo parqet energjitike fotovoltaike mund te eksportohet neto dhe sidomos tani qe cmimi eshte ne rritje do kete fitime te medha. Keshtu dalin te gjitha palet te fituar, edhe shteti, edhe konsumatori.

    Përgjigju
    • Dakort o Lui: 08/10/2021 15:50

      Lui, jam shume dakort me ppropozimin. Duke pasur parasysh abuzimet qe kane ndodhur ne vende te tjera si Italia per te perfituar nga subvencionet financiare qe shteti jepte per ata qe vendosnin panele diellore, shteti shqiptar mjafton te beje dy gjera ne gjykimin tim: 1. Subvencionim ne formen e heqjes se taksave per importin e A) paneleve diellore B) turbinave hidrike dhe C) mullinjte e eres, si dhe cdo elementi tjeter (bateri, inverter, etj) qe perfshihen ne keto sisteme, per te nxitur blerjen e tyre nga konsumatoret familjare dhe biznese. 2. Rishikimin ligjor te furnizimit variabel me energji ne rrjet nga konsumatoret familjare apo biznese, duke vendosur kontrate reciproke ku OSHEE i detyrohet konsumatorit para, nese ne fund te muajit konsumi eshte me i vogel sesa dhenia ne rrjet nga pala tjeter. Pervec lehtesirave dhe fitimeve qe do rrjedhin nga ky sektor, do kete edhe ngritje te bizneseve => hapje te vendeve te reja te punes. Problemi eshte qe komentet tona nuk i lexojne personat qe kane ne dore te bejne dicka, por ngelen ne meshiren e fatit. Nga ana tjeter, asnje gazetar nuk eshte pare ta ngreje si ceshtje drejtperdrejt me politikeberesit e ketij vendi, qofte nga pozita, qofte nga opozita. Kjo edhe pse ka nje redaksi qe na rishikon komentet perpara se te publikohen, por nuk i delegon tek gazetaret qe te ngrene zerin. Pervec kesaj, ne Shqiperi nuk mblidhen bashke deputetet e parlamentit per te bere plane afatgjata te cilat pavaresish kush eshte ne pushtet, miratohen dhe nisin te zbatohen si strategji kombetare.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu