POP 5

Lajmet më të lexuara të 5 minutave të fundit

Kronikë

Qeveria shqiptare: Strehojmë
210 muxhahedinë nga Iraku

Qeveria shqiptare ka komunikuar se do të “mirëpresë e strehojë” 210 muxhahedinë nga Iraku. Kjo është komunikuar gjatë takimit të zhvilluar sot  mes kryeministrit Berisha me ministren alternative të Jashtme të Shteteve të Bashkuara të Amerikës për çështjet e Lindje së Mesme, Barbara Lif. (Foto: Takimi i sotem mes kryeministrit dhe delegacionit nga SHBA ne kryeministri) 
 
Kinezi i liruar nga Guantanamo, bën pica në Tiranë
TIRANE - Qeveria shqiptare ka komunikuar se do të “mirëpresë e strehojë” 210 muxhahedinë nga Iraku. Kjo është komunikuar gjatë takimit të zhvilluar sot mes kryeministrit Berisha me Zëvendës Ndihmës Sekretaren në Departamentin e Shtetit të Shteteve të Bashkuara të Amerikës, në Zyrën e Çështjeve të Lindjes së Afërt, znj. Barbara Leaf. (Foto: Takimi ne kryeministri, Tirane)

“Pasi u vërtetuan marrëdhëniet e shkëlqyera dhe bashkëpunimi ndërmjet SHBA dhe Shqipërisë, biseda u përqendrua në zbatimin e projektit për transportin e disa personave të organizatës (Mojahedin-e-Khalq) ΜΕΚ, të cilët gjenden në garnizonin “Liria” në Irak dhe që për arsye humanitare do të transportohen në Shqipëri. OKB u ka ofruar disa prej “banorëve” të garnizonit “Liria” statusin e refugjatit dhe bashkëpunon me qeverinë që të gjejë një zgjidhje të sigurt dhe të garantuar”, b1%het e ditur në faqen zyrtare të qeverisë shqiptare.

Më tej në njoftim theksohet se "Kryeministri Berisha i theksoi Zëvendës Ndihmëssekretares së Shtetit Leaf se sikundër iu premtua Sekretares së Shtetit znj.Clinton, gjatë vizitës së saj historike në Tiranë dhe qeverisë së SHBA, qeveria shqiptare është e gatshme dhe po merr masa për tu ofruar strehim për arsye humanitare për një numër të kufizuar prej 210 personash, të cilët janë të mirëpritur dhe do t’u krijohen të gjitha kushtet për një strehim të sigurt në Shqipëri, në përputhje të plotë me të drejtën ndërkombëtare dhe ligjet e vendit".

CFARE JANE MUXHAHEDINET?
MEK është një lëvizje islamike e themeluar në shtator të vitit 1965 për të kundërshtuar lëvizjen “shah” në Irak dhe më tej për të luftuar kundër regjimit islamik i cili erdhi në pushtet nga revolucioni i dhunshëm dhe i vrasjeve në vitin 1979.

Ky grup u vendos në Irak në 1986 dhe ndërtuar kampin Ashraf pranë kufirit iranian, pasi i është dhënë statusi i refugjatëve nga presidenti i asaj kohe Adam Hyseni.

Uashingotni e ka cilësuar si një organizatë terroriste pasi në 1997 vranë 6 amerikanë në vitin 1970. Në gusht të vitit të kaluar, Shtetet e Bashkuara të Amerikës kanë hequr nga lista e organizatave të huaja terroriste, një grup muhaxhedinësh iranian të vendosur në Irak (Mojahedin-e-Khalq) ΜΕΚ.

Vendimi është marrë nga Sekretarja e Amerikane e Shtet, Hillary Clinton, i cili u argumentua në atë kohë me faktin se muhaxhedinët kishin hequr dorë nga dhuna dhe nga aktet terroriste dhe bashkëpunuan për mbylljen e kampit Ashraf, për shkak të të cilit ka pasur protesta të dhunshme me forcat e sigurisë të Irakut.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Plan rus për bomba në avionë? Çfarë duhet të dini rreth akuzave të Polonisë

Plan rus për bomba në avionë? Çfarë duhet të dini rreth akuzave të Polonisë

16 Janar, 13:07