POP 5

Lajmet më të lexuara të 5 minutave të fundit

Politikë

"Tatimet", Bylykbashi: Mosngritja e
Komisionit Hetimor, antikushtetuese

Partia Demokratike e ka cilësuar si antikushtetuese rrëzimin e kërkesës së opozitës nga mazhoranca për ngritjen e një Kominisioni Hetimor për çështjen e vjedhjes së serverit të tatimeve.
TIRANE - Partia Demokratike e ka cilësuar si antikushtetuese rrëzimin e kërkesës së opozitës nga mazhoranca për ngritjen e një Kominisioni Hetimor për çështjen e vjedhjes së serverit të tatimeve.

Sipas deputetit demokrat, Oerd Bylykbashi, kjo është një përpjekje tjetër e mazhorancës për të penguar transparencën. Sipas Bylykbashit argumentat e mazhorancës për mosngritjen e Komisionit Hetimor nuk janë të bazuara në ligj ndërsa kërkoi zbatimin e menjëhershëm të vendimit të Gjykatës Kushtetuese për ngritjen e Komisionit Hetimor për vjedhjen e serverit të tatimeve.

“Siç e dini ka një vendim të Gjykatës Kushtetuese që ka bërë nul vendimin e Kuvendit që refuzoi kërkesën tonë për ngritjen e komisionit hetimor. Për fat të keq ajo që duhet të denoncoj sot pas një tentative të papranueshme dhe të turpshme për ta çbërë këtë kërkesë, duke e rrëzuar në mënyrë antikushtetuese, sic tha vendimi i Gjykatës Kushtetuese, kemi një një tentativë të re për të penguar transparencën. Edhe pse tashmë ka një vendim Gjykate i cili është në fuqi dhe është i detyrueshëm për zbatim menjëherë nga Kuvendi, sot ne patëm një tentativë të re për ta vonuar dhe mundësisht për ta bllokuar kërkesën e opozitës. Argumentet e tyre vetëm në ligj nuk bazohen. Ajo që sot mbetet imperative është që sot ka një kërkesë të grupit Parlamentar të Partisë Demokratike për të cilën nuk është investuar Kuvendi ligjërisht.” theksoi Bylykbashi

Bylykbashi shtoi më tej se Kryetari i Kuvendit duhet të fusë sa më shpejt në axhendë sipas tij ngritjen e Komisionit Hetimor, ndërsa shtoi se në ditët në vijim grupi parlamentar i PD do të depozitojë kërkesën për futjen në rend dite në Kuvend të kësaj çështje

“Është detyrë urgjente e Kryetarit të Kuvendit që të zbatojë vendimin e Gjykatës Kushtetuese mbi bazën e nenit 132 të Kushtetutës dhe Kuvendi të ngrejë menjëherë këtë komision hetimor. Ne do të depozitojmë sot menjëherë kërkesën që Kryetari i Kuvendit, pa vonesë, të proçedojë dhe të vërë në kalendarin e  punës dhe në axhendën e seancës të ardhshme plenare kërkesën e opozitës për ngritjen e Komisionit.” tha Bylykbashi

Redaksia Online
(e.c/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

16 Janar, 16:50