Revista presitigjioze “The Economist” i ka kushtuar sërish vëmendje zhvillimeve politike në Shqipëri në prag të marrjes së mandatit të qeverisë nga “njeriu i Rilindjes, Edi Rama” ose “Kamelotit të i ri me karakteristika shqiptare”, siç e quan ajo.
 
Në një shkrim të botuar dje, kjo revistë thekson vështirësitë që pritet të hasë qeveria e re, duke filluar nga përmbushja e premtimeve të fushatës elektorale si hapja e vendeve të punës apo e premtimit për poste ndaj partive të koalicionit, që presin të bashkëqeverisin.
 
“Shqiptarët ishin të gatshëm për një ndryshim nga koha e Sali Berishës, një figurë e tmerrshme që dominoi politikën për dy dekada,”- shkruan revista. – “Por, edhe pse ky vend është ndër të paktit që nuk ka përjetuar rënie, problemet me krimin dhe korrupsionin kanë çuar në ngadalësimin e integrimit të Shqipërisë në BE. Pas tre vjetësh përpjekje të dështuara, ajo mund ta fitojë statusin kandidat në dhjetor.”
 
Revista e konsideron parnetin kryesor të koalicionit, Ilir Metën, si një bashkëqevrisës. Pra, sipas saj,  “z.Rama duhet të lëvizë shpejt, pasi partitë e koalicionit presin të shpërblehen me pune dhe ato do të bashkëqeverisin si fillim, por më pas, nëse do të shfaqen luhatje apo dobësi, do të shfaqen edhe “thikat”.


rama revista

(Faksimile e shkrimit të botuar nga "The economist"

Redaksia online
(ar.sh/shqiptarja.com)