"Washington Times": Bujaria ndaj
Greqisë duhet të përfundojë

Gazeta amerikane në një kryeartikull të saj thotë se është gabim që Greqisë t’i jepet një ndihmë e re dhe thekson se për krizën e ka fajin mungesa e moralit nga ana e Greqisë.
Një sulm frontal kundër Greqisë dhe Europës lëshon sot gazeta  prestigjioze Washington Times, e cila rreshtohet qartë kundër një pakete tjetër ndihme shpëtimi për Greqinë.

“Në tragjedinë greke, karakteri kryesor i mbivlerëson zotësitë e tij, duke shkatërruar veten dhe familjen e tij. Politikanët europianë duket se e pranojnë këtë... krenari fatale, duke menduar se mundet të vazhdojnë kreditimin pa pasoja. Hiperbola e tyre e fundit? Një paketë e tretë shpëtimi për Greqinë!”

Pak a shumë kështu fillon editoriali i gazetës, nduke nënvizuar se “Shpëtimi është një dhuratë për politikanët grekë, të cilët dëshirojnë të vazhdojnë të bëjnë punën e tyreashtu si edhe më parë... Është shumë e lehtë për ta që të vazhdojnë të shpërdorojnë pa u menduar paratë e të tjerëve dhe të ecin në hapin antipopullor të preres së shërbimeve publike “të tepërta”, por edhe të shpenzimeve.

Bujaria e Europës ndaj Greqisë nuk mundet të vazhdojë edhe për shumë kohë akoma”!, kështu përfundon, duke nënvizuar faktin se transferta e kapitaleve nga një burokraci e fryrë, në një burokraci edhe më të fryrë do të dëmtojë, nuk do të mbështesë e përforcojë zhvillimine pritshëm.

“Bujaria e Europës ndaj Greqisë nuk mundet të vazhdojë edhe për shumë kohë akoma”, thekson në mënyrë karakteristike gazeta, duke nënvizuar se Greqia gjendet në këtë situatë fillimisht e kryesisht për shkak të imoralitetit të saj dhe politikanëve të saj.

Editoriali mbyllet me besimin se derisa Europa të tregojë edhe një herë tjetër bujari kundrejt Greqisë, Greqia do të vazhdojë të vuajë nga papunësia dhe recensioni, do të vazhdojë të prodhojë të papunë, krizë ekonomike, politike e sociale...

Redaksia online
(ar.sh/shqiptarja.com)