Qytetarët denoncojnë, ndëshkohen 493 shoferët e pabindur! Cili është gabimi më i PËRSËRITUR që bëjnë shqiptarët

TIRANË- Brenda një jave, në rang vendi ka pasur 546 denoncime nga qytetarë për shoferët e pabindur, ndaj të cilëve janë marrë masat.

Burime zyrtare bëjnë me dije për Shqiptarja.com, se në numrat e emergjencave 112 dhe adresa të tjera zyrtare të vëna në dispozicion nga Policia e Shtetit. Shkeljet kanë qenë të natyrave të ku më e përsëritura  ka qenë për pushim dhe qëndrim të gabuar, por edhe për parakalime të gabuara.

Për këtë, siç njofton policia rrugore, janë marra masa administrative ndaj 387 shoferësh për pushim dhe qëndrim të gabuar; 14 për shkelje të semaforit dhe 92 mjete për parakalim dhe pozicionim të gabuar në zonën e kryqëzimit.

Deklarata e plotë e policisë
Komisariati Dixhital, 112-ta dhe adresa të tjera zyrtare të Policisë së Shtetit, në dispozicion të qytetarëve, për të denoncuar paligjshmëri.

Krahas kontrolleve policore në terren, vijon bashkëpunimi me qytetaret, të cilët çdo ditë e më shumë adresojnë shqetësimet dhe ankesat e tyre, për shkelje të ndryshme të rregullave të qarkullimit rrugor, nëpërmjet Komisariatit Dixhital, në numrin e emergjencave 112 dhe adresa të tjera zyrtare të vëna në dispozicion nga Policia e Shtetit.

Në të gjithë vendin, gjatë kësaj jave, vetëm për shkelje të rregullave të qarkullimit rrugor janë denoncuar nga qytetarët 546 raste, për drejtues mjetesh që shkelin semaforin, që nuk u japin përparësi këmbësorëve në semafor apo në vendkalimin e tyre, drejtues mjetesh që nuk durojnë dot në radhë, por parakalojnë në mënyrë të gabuar duke u bërë shkak për trafik të rënduar dhe burim për aksidente rrugore, drejtues mjetesh që pushojnë mjetet mbi trotuare, në vendkalime këmbësoresh apo qëndrojnë në rresht të dytë dhe vende të tjera të rezervuara, duke shkaktuar shqetësime dhe konfuzion në trafik.

Duke vlerësuar shqetësimet dhe bashkëpunimin me qytetarët në funksion të rregullit dhe sigurisë, efektivet e Policisë Rrugore dhe ata të patrullave të përgjithshme në të gjithë vendin, kanë verifikuar dhe proceduar në çdo rast që janë konstatuar shkelje të rregullave të qarkullimit rrugor. vetëm përgjatë kësaj jave, falë bashkëpunimit me qytetarët dhe ankesave të tyre, janë verifikuar dhe proceduar administrativisht:

•    387 mjete për pushim dhe qëndrim të gabuar;

•    14 mjete për shkelje të semaforit;

•    92 mjete për parakalim dhe pozicionim të gabuar në zonën e kryqëzimit;

•    53 mjete për mosdhënie përparësie ndaj këmbësorëve në vendkalimin e tyre.

Policia e Shtetit falënderon qytetarët për besimin dhe bashkëpunimin e manifestuar dhe fton sërish cilindo që konstaton apo ndeshet me paligjshmëri, jo vetëm në fushën e qarkullimit rrugor, por për çdo veprim tjetër qe është i dënueshëm, të denoncojë në Komisariatin Dixhital, në numrin 112 e në adresat e tjera zyrtare të Policisë së Shtetit duke u garantuar anonimat të plotë dhe reagim të menjëhershëm ligjor.

B.K./Shqiptarja.com
  • Sondazhi i ditës:

    Konferenca e donatorëve mbledh 1.15 mld € për Shqipërinë, a besoni se do të administrohen siç duhet fondet për rindërtimin?

Komento

Komente

  • Kafsha: 26/01/2020 22:00

    Derrmojini bajgat

    Përgjigju
  • tironci: 26/01/2020 20:58

    Ahh ju jeni plera i veni gjobat kot me kot njerzve te shkrete se skeni buxhet as per rrogat tuja, po ku leshin do parkosh ne tirone dysh ku skeni lon ven pa bo korsish bicikletash dhe me dash me nalu ska ven, thyfshi qafen thyfshi

    Përgjigju
  • Ssss: 26/01/2020 20:08

    Ska then kot gjermani vetem n shqiperi i gjeta spiunat pa lek

    Përgjigju
    • albi: 26/01/2020 22:26

      ta paskan zverdh nji fletushke sot me duket. po pse o boti, gjermonet nuk te "spiunojne" ne polici per gjera te tilla?

  • Tipi: 26/01/2020 19:53

    Po Po falenderoni kembesoret qe ecin kuturu e nuk I kerkojne fare vizat e bardha. Edhe ecin sikur ne parade.

    Përgjigju
    • albi: 26/01/2020 22:29

      po mir mo mik, pa me thuaj pak me sinqeritet, sot ne sa vija te bardha i ke dhene perparesi kembesoreve? dhe nuk po te pyes, sa here e ke vene kemben ne frene, kur kembesori ka qene ne mes te vijave te bardha. E kam fjalen per rastin, sic e parashikon kodi rrugor, kur "kembesori ndodhet ne ane te rruges dhe eshte i dukshem qellimi i tij per te kaluar rrugen". E pra sa here ke frenuar zotrote keshtu sot? Kur shoferet nuk i zbatojne rregullat, pse pret qe ti zbatojne kembesoret?