POP 5

Lajmet më të lexuara të 5 minutave të fundit

Kronikë

Dita e 3-të e protestave/ Qytetarë të mbështetur nga PD bllokuan rrugët në Fushë Krujë, Shkodër e Lushnje (VIDEO)

Të veshur me jelekë të verdhë si protestuesit në Francë, qytetarët të mbështetur nga Partia Demokratike kërkuan uljen e çmimit të karburantit, treg për prodhimet bujqësore, ndërsa shprehën mbështetjen edhe për studentët në Tiranë.

Qytetarë të mbështetur nga Partia Demokratike pasditen e sotme protestuan në Lushnje, Fushë Krujë dhe në Shkodër duke bllokuar rrugët.

Të veshur me jelekë të verdhë si protestuesit në Francë ata kërkuan uljen e çmimit të karburantit, treg për prodhimet bujqësore, ndërsa shprehën mbështetjen edhe për studentët në Tiranë.

Në Fushë Krujë u bllokua aksi në drejtim të Milotit, në Shkodër rruga hyrëse në qytet, ndërsa në Lushnje aksi në drejtim të Rrogozhinës. Kjo ishte dita e tretë e protestës së qytetarëve të mbështetur nga opozita në disa rrethe.

Rendit zhvillimet sipas orarit:
Ora 17:21
Protestë edhe në Lushnje, bllokohet rruga për 30’

Përvec Shkodrës dhe Fushë Krujës protesta pasditen e sotme ka pasur edhe në Lushnje, ku banorët kanë bllokuar për rreth 30 minuta aksin me Rrogozhinën. Fermerët u mbështetën nga PD-ja në protestë. 

Ora 17:20
Mbyllet protesta në Shkodër, banorët paralajmërojnë tubime të tjera

Pas rreth një ore është mbyllur protesta në qytetin e Shkodrës, ndërsa banorët të mbështetur nga PD-ja paralajmërojnë se tubimet do të vijojnë edhe në ditët në vazhdim. Pas përfundimit të protestës është rihapur rruga dhe qarkullimi në hyrje të Shkodrës vijon normalisht.

Ora 16:36
“O dorëzohu, o rrëzohu”/ Qytetarë dhe militantë të opozitës thirrje kundër Ramës në Fushë Krujë

“Poshtë Edi Rama, poshtë qeveria. O dorëzohu, o rrëzohu. Fushë Kruja është me studentët”. Janë këto disa nga pankartat e banorëve të Fushë Krujës që janë ngritur në protestë duke bllokuar rrugën në drejtim të Milotit. Protesta e banorëve mbështetet nga Partia Demokratike dhe partitë e tjera të opozitës.

Ora 16:27
Nis protesta në qytetin e Shkodrës, bllokohet rruga hyrëse

Banorët e Shkodrës të mbështetur nga PD dhe militantët e tjerë të partive opozitare janë ngritur në protestë në ditën e tretë duke bllokuar rrugën hyrëse në qytet.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Mitsotakis nënshkruan kontratën, nis ndërtimi i rrugës Janina-Kakavijë me vlerë 310 milionë euro

Mitsotakis nënshkruan kontratën, nis ndërtimi i rrugës Janina-Kakavijë me vlerë 310 milionë euro

18 Dhjetor, 19:08